Popular Bible Verses from Xénese 17

ಶೇರ್

Abram tiña noventa e nove anos, cando se lle apareceu o Señor para lle dicir: —"Eu son o Deus Xadai. Camiña de acordo comigo e se perfecto.

Non te seguirás chamando Abram; o teu nome será Abraham, porque te fago pai de moitos pobos.

Establezo a miña alianza, alianza perpetua, contigo e cos teus descendentes, polas xeracións vindeiras. Eu serei o teu Deus e o dos teus descendentes.

—"Esta é a alianza que eu fago contigo: Serás pai de moitos pobos.

Deus respondeulle: —"Non; Sara, a túa muller, darache un fillo, e poraslle o nome de Isaac. Con el e cos seus descendentes vindeiros establezo unha alianza, alianza perpetua.

Dareiche a ti e a eles, en posesión perpetua, a terra onde habitas, o país de Canaán. Eu serei o teu Deus".

Abraham prostrouse por terra e sorriu, pensando para si: —"Un home de cen anos terá un fillo, e Sara ós seus noventa parirá!"

O Señor díxolle a Abraham: —"A túa muller non seguirá chamándose Sarai. O seu nome é Sara.

Circuncidade a pel do prepucio, en sinal de alianza entre nós.

Pero a miña alianza establecereina con Isaac, o fillo que che dará Sara de hoxe nun ano".

Os oito días de nacer, circuncidade todos os varóns, unha xeración tras outra, o mesmo os nacidos na casa, coma os forasteiros adquiridos por diñeiro, que non son descendentes teus. Circuncidade os nacidos na casa e os adquiridos por diñeiro, e a miña alianza estará no voso corpo como alianza perpetua.