Popular Bible Verses from लूका 2

ಶೇರ್

ते से सुब बसेख ए है, कि अज्ज दाऊद राज्जा रे कस्बे बैतलहम अन्दर सबणी मणूआं तांइ इक्क छुटकारा दैणे वाले रा जन्म होया, अते से ही मसीह प्रभु हिन

ते तिस बेल्ले स्वर्गदूत ने तिन्हा जो बोल्लेया, तुसा डरो मत, किजोकी दिख्खो, मैं तुसा जो इक्क इदेया सुब बसेख सूणाणा, जे सबणी मणूआं तांइ होणा

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

ते यीशु समझ, कद-काठी अते परमेश्वर ते मणूआं री दया बिच बद्धदे गे।

ते तुसा जो इस गल्ल रा विश्वास कराणे तांइ ए पछाण दिन्दा, कि तुसा ने इक्क निक्के जो फालड़ी बिच लपटित्तेरा, चरिह् अन्दर दिख्खणा।

ते तिधाड़ी ही तिस इलाके अन्दर किच्‍छ पुहाल रात्ती बेल्ले अपणे धणा रा द्रबड़ा अन्दर पैह्रा देया करदे थिये। ते तिस बेल्ले इक्क परमेश्वर रा स्वर्गदूत तिन्हेरे मुहाग्गर आई खड़ा होया, ते प्रभु री महिमामय रौसनी ने तिन्हा जो चौंह्-पास्से का घेरी लेया, ते ए सब दिख्खी करी से बड़े-भरी डरी गे।