Popular Bible Verses from यूहन्ना 19

ಶೇರ್

जां यीशु ने से सिरके जो चख्खेया, तां बोल्लेया, पूरा होया, तां तिन्हा ने अपणा सिर झुकाई करी अपणे प्राण छड्डी दित्ते।

यीशु जाणदे थिये कि तिन्हा ने अपणा मकसद पूरा करी लित्ते रा है, ते इधेरे तांइ कि पवित्रशास्त्र बिच लिख्खे री गल्ल पूरी हो तिन्हा ने ए बोल्लेया, “मैं प्यासा है।”

जां यीशु ने अपणी मां ते तिस चेल्‍ले जो जिस कने से प्यार करदे थिये, नेड़े खड़ितेरा दिख्खेया तां अपणी मां जो बोल्लेया, ओ मां, दिख, ए तेरा पुत्तर है। फिरी यीशु ने तिस चेल्‍ले जे तिन्हेरा नेड़े खड़ित्ते रा थिया, तिसजो बोल्लेया, अज्ज का ए तेरी मां है, अते तिस्सी बेल्ले से चेल्ला मरियम जो अपणे घरे लेई गेया।

पर जां यीशु का आई करी दिख्खेया कि से मरी गेरे हिन, तां तिन्हेरी लता नी भन्नी पर तिन्हा बिच का इक्क सिपाई ने यीशु री बख्खी पर बरछा मारी दित्तेया, अते तिस्सी बेल्ले तिस बिच का बिच का खून अते पाणी निकलेया।

ए गल्लां इधेरे तांइ होई कि पवित्रशास्त्र बिच लिख्खे रा वचन पूरा हो, “तिसेरी कोई हड्डी तोड़ी नी जाणी।” फिर पवित्रशास्त्र री इक्क होर हिस्से बिच लिख्खे रा है, जिस जो तिन्हा ने बरछे कने बेधेया, तिन्हा तिसजो तकणा।

तां सिपाई यीशु जो लेई गे, अते यीशु अपणी सुली चुक्की करी यरुशलेम सहर का बार, तिस जगाह् जो लेई गे जिस जो कि खोपड़ी री जगाह् बोल्लेया जांदा थिया, अते इब्रानी भाषा बिच गुलगुता।

सिपाईयाँ ने कंडेया री डाली जो मोड़ी करी इक्क मुकुट बणाया अते तिन्हेरे सिर पर रख्खी दित्तेया, अते तिन्हा जो बैगणी रांग रे कपड़े पुआये