Popular Bible Verses from यूहन्ना 16

ಶೇರ್

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

पर जां सच्चाई री आत्‍मा ने आणा, तां तिसने तुसा जो परमेश्वर रे सच बारे बिच सिखाणा, किजोकी तिसने अपणे पास्से का किच्‍छ नी बोलणा, पर जे किच्‍छ तिसने परमेश्वर का सूणेया हो, से ही बोलणा अते होणे वाली गल्लां जो तुसा रे सामणे लियाणा।

हल्ले तांइ तुसा मेरे नां कने किच्‍छ भी नी मंगेया: मंगो, अते तुसा जो मिल्ली जाणा, ताकि तुसा खुस होई जाओ।

पर मैं तुसा रे कने सच-सच बोलदा कि तुसा तांइ भला है कि मैं जाया करदा है, किजोकी जे अगर मैं नी जांगा तां पवित्रात्मा ने जे तुसा रा मददगार है, तुसा का नी आणा, पर जे अगर मैं चली जांगा तां तिसजो तुसा रे का भेजी दिंगा। अते जां पवित्रात्मा ने तुसा का आणा, तां तिन्हा ने पाप, परमेश्वर री धार्मिकता ते तिन्हेरे हिसाब-किताब रे बारे बिच दुनिया रे लोक्कां जो सच दसणा।

तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा। तिस रोज तुसा मेरे का किच्‍छ नी मंगणा। मैं तुसा रे कने सच-सच बोलदा, जे तुसा मेरे ना कने पिता का जे किच्‍छ भी मंगगे तिन्हा ने तुसा री हर जरुरत जो पूरा करणा।

मैं तुसा कने सच-सच बोलदा कि मेरे मरणे रे बाद तुसा रोणा ते पीटिणा, पर इस दुनिया रे लोक्कां ने खुस होणा। तुसा दुखी होणा, पर दुख खुसी बिच बदली जाणा