Popular Bible Verses from यूहन्ना 5

ಶೇರ್

हांऊँ तुसाबै सच़-सच़ बोला सा, ज़ुण मेरी गैला शूणीऐ मेरै भेजणु आल़ै पैंधै बशाह केरा सा, हमेशा री ज़िन्दगी तेइरी सा, तेई पैंधै सज़ा रा हुक्म नैंई होंदा पर सौ मौऊती न पार होईया हमेशा री ज़िन्दगी बै पा सा।

यीशुऐ सौ पौड़ु होंदा हेरू होर ऐ ज़ाणिया कि सौ बोहू रोजा न ऐसा दशा न पौड़ु सा, प्रभुऐ पुछु, “कि तू ठीक होंणा चाहा सा?”

तुसै पवित्र शास्त्रा न तोपा सी किबैकि बुझा सी कि हमेशा री ज़िन्दगी तुंईन मिला सा, होर ऐ सौऐ सा ज़ुण मेरी गुआही देआ सा। तैबै भी तुसै हमेशा री ज़िन्दगी जिणै री तैंईंयैं मूँ हागै ऐणा नैंई च़ाँहदै।

यीशुऐ तेइबै बोलू, “उठ, आपणा माँज़ा च़क होर औंढ फिर।” सौ मांहणु तैबै ठीक हुआ होर आपणा माँज़ै च़किया औंढदा लागा।

तैबै यीशुऐ तिन्हां बै बोलू, हांऊँ तुसाबै सच़-सच़ बोला सा, बेटा आपुऐ किछ़ नैंई केरी सकदा, सिर्फ़ सौहै ज़े बापू बै केरदैआ हेरा सा किबैकि ज़ो-ज़ो कोम सौ केरा सा तिन्हां बै बेटा भी केरा सा।