Popular Bible Verses from यूहन्ना 4

ಶೇರ್

परमेश्वर आत्मा सा, होर ज़रूरी सा कि तेइरी आराधना केरनु आल़ै आत्मा होर सच़ाई सैंघै तेइरी आराधना केरलै।”

पर तेई बौगत ऐणा सा, ज़ुण ऐबै भी सा, ज़ुणीन सच़ै भक्त बापू री आराधना आत्मा होर सच़ाई सैंघै केरनी, किबैकि बापू आपणी तैंईंयैं ऐण्ढै सच़ै भक्ता बै तोपा सा।

पर ज़ो कोई तेई पाणी बै पिला ज़ो मूँ तिन्हां बै देणा, तेई फिरी होरी घेरै हमेशे रै ज़िन्दगी तैंईंयैं नी शोखिणा सा, बल्कि ज़े पाणी मूँ तेइबै देणा, तेइयै तौईंन एक जाईरू बनाणा सा, होर तेई हमेशा रै ज़िन्दगी तैंईंयैं निकल़दै रोहणा सा।”

यीशुऐ ज़वाब धिना, “अगर तू परमेश्वरै रै वरदाना बै ज़ाणा सा, होर ऐ भी ज़ाणा सा कि सौ कुण सा ज़ुण तौभै बोलदा लागा सा, मुँभै पाणी पीया, ऐ तू तेईन मौंग होर तेई तौभै ज़िन्दगी रा ज़िन्दा पाणी देणा, ज़ो ज़िन्दगी देआ सा।”

यीशुऐ तिन्हां बै बोलू, “मेरा खाँणा,” परमेश्वरा री इच्छा बै मनणा सा, ज़ुणियै हांऊँ भेज़ू सा, होर सौ कोम पूरा केरनै री तैंईंयैं ज़ो तेइयै मुँभै धिनुदा सा।

बेटड़ी ऐ यीशु बै बोलू, “ओ प्रभु, तुसा हागै पाणी भौरनै री तैंईंयैं किछ़ भी नी ऑथि, होर कुँआ डूग्घा सा; तैबै भी सौ ज़िन्दगी रा पाणी तुसा हागै कौखै न आऊ?

बेटड़ियै प्रभु यीशु बै बोलू, “हांऊँ ज़ाणा सा कि मसीह ज़ुण प्रभु ज़ाणिया सा, ऐणु आल़ा सा, ज़ैबै सौ ऐला, ता आसाबै सारी गैला दसणी।” प्रभु यीशुऐ तेसा बै बोलू, “हांऊँ तोबै बोलदा लागादा सा, हांऊँ सौऐ सा।”

“एज़ा एकी मांहणु बै हेरा, ज़ुणियै सैभ किछ़ ज़ो मैं केरू मुँभै दसु सा: कोइँछ़ै ऐ ता मसीह नी ऑथि?”