Popular Bible Verses from JOHANA 6

ಶೇರ್

Kolenji Jesu ichek, A makatiat ne bo sobon: inendet ne nyonjina ko magasei rubet agoi, ak inendet ne iyana ko maamei melel agoi.

Tamirmiriet ne igoitoi sobondo; matilei kiy borto: tamirmiriet ak sobondo ng’alek che kaamwawok.

Amoboisie agobo amitwogik che begu, ago oboisie agobo amitwogik che tebyei agoi sobondab koigeny, che konok Weritab chi: amu kigong’och inendet Kwanda, ne inendet ko Jehovah.

Amu ni magetab Baba, ale chi age tugul ne keerei Werit, ak koyan inendet, konyoru sobondab koigeny; ak ang’eeti inendet eng’ betutab let.

Kowolji Jesu kolenji, Ni boisietab Jehovah, ale, oyan inendet ne kiiyogu Jehovah.

Bwanjina tugul che kona Kwanda; ak inendet ne nyonjina ko maone matiny.

Kowolji anyun Simon Petero, kolenji, Kiptaiyandani, kibendi ole mi ng’o? Itinye ng’alek che bo sobondab koigeny.

A makatiat ne sobei ne kichorgei eng’ kipsengwet: ngo am chi age tugul makatiandani, kosobei koigeny: ee, ak bortanyu makatiat ne agoitoi agobo sobondo ne bo ng’ony.

Maimuchi chi konyonja, ama ichuut Kwanda ne kiiyokwa: ak ang’eeti inendet eng’ betutab let.

Amu makatiat ne bo Jehovah ko noto chorugei eng’ kipsengwet, ak kogochi ng’ony sobondo.

A makatiat ne bo sobon.

Kinam anyun Jesu makatinik; ak kingo kagogoito kongoi, koropchi icheget che kitebyei ng’ony; ak ko u noto agichek njirenik che te che machei. Ak ye kingobiyong’so, kolenji alamalyennyi, Oyum katuganik che kang’et, si mabet kiy.

Ye kingo kagoba anyun eng’ araraita ole bo maelisiek somok anan ko somok ak kebeber, kogeer Jesu kowendoti eng’ araraita barak, ak korikyin moinget: ak kiiyweis. Ago kilenji ichek, Ane; amoiywei.