Popular Bible Verses from JOHANA 14

ಶೇರ್

Abagakwok kalyet; agonok kalyennyu: magonok ko u ye konu ng’ony. Amongoiimgei mugulelwekwok, anan koiyweis.

Kolenji Jesu, A oret, ak iman, ak sobondo: manyonjin chi Kwanda, ama eng’ ane.

Amogochi mugulelwekwok koiimgei: oyani Jehovah, oyana agane.

Ago inetok tuguk tugul Kagaigaindet, Tamirmiriet ne Tilil, ne iyogu Kwanda eng’ kainennyu, ak kobwatwok tugul che kaamwawok.

Inendet ne tinyei ng’atutikyuk, ak koribei, ko noto ne chama: ak inendet ne chama ko chamat eng’ Baba, ak achame inendet, ak ang’ang’jige inendet.

Ak asom Kwanda, ak kogonok Kagaigaindet age, si kotebi kobotok koigeny, noto Tamirmiriet ne bo imanit: ne maimuchi ng’ony kotaach; amu mageerei inendet, ama naei inendet: ago ongen inendet: amu tebyei kobotok, ak tun tebyei eng’ oring’wong’.

Ak kit age tugul ne osome eng’ kainennyu, ayae, si kegonyit Kwanda eng’ Werit. Ngot osom kiy age tugul eng’ kainennyu, ayae kioto.

Ngot ochama, oribe ng’atutikyuk.

Mitei gorik che chang’ eng’ gotab Baba; nda kima ko u noto, ta kiamwawok; awendi achobwok koret.

Ak ye awe achobwok koret, anyone kogeny amutok; si ole ami omite ak okwek.

Kolenji Tomas, Kiptaiyandani, magingen ole iwendi; kinaitoi ano anyun oret?