Popular Bible Verses from TAUNET 22

ಶೇರ್

Ak kiguure Abraham yoto Jehovah-jireh: ko u ye kimwaei agoi kora, kele, Kigonune tulwetab Jehovah.

Kolenji, Imut wering’ung’, noto ne inegei, ne ichame, Isak, ui agoi emetab Moria; si igoite eng’ oloto koek kagochinet ne kibeelei eng’ tulwet age ne tun amwaun.

Kolenji, Ametwa lakwet, ameyachi kiy tugul: amu kaanai nguno ale, igonyiti Kamuktaindet, amu ma ietena wering’ung’, ne wering’ung’ ne inegei.

Ak kilenji Abraham, Werinnyu, cheng’jingei Kamuktaindet aruetab kechir ne egu kagochinet ne kibeelei: yeityo koba tuwai.

Eng’ kaberuret aberurin, ak eng’ kayabet ayabi iyoteng’ung’ kobarait kotenit kecheik che bo kipsengwetisiek, ak kotenit ng’aniek che bo ngegutab nyanjet; ak tun nyoboni lagoguk kurgetab bunikwak; ak tun kiberuri bororiosiek tugul che bo ng’ony eng’ keswondeng’ung’; amu kegas it kutinnyu.

Kingobata tuguchoto, kotiem Kamuktaindet Abraham, kolenji, Abraham; ak kile, Ami yu.

Eng’ yoto anyun koguur inendet malaikayatab Jehovah eng’ kipsengwet kolenji, Abraham, Abraham: kole, Ami yu.

Ak kiguur ne bo aeng’ malaikaiyatab Jehovah Abraham eng’ kipsengwet, kolenji, Kayosiechige anege, mwaei Jehovah, amu keyai kii, ma ietena wering’ung’ ne inegei.

Ak kiit koronoto ole kiga koarorji Kamuktaindet; ak koteech Abraham kaptisisiet eng’ oloto, ak kitet kwenik, yeityo korat werinnyi Isak, ak kiinde inendet kwenik barak eng’ kaptisisiet.