Popular Bible Verses from TAUNET 21

ಹಂಚಿಕೊಳ್ಳಿ

Kirutochi Jehovah Sara ko u ye kiga mwa, kiyachi Jehovah Sara ko u ye kiga ng’alalji.

Ak kigas Kamuktaindet kutitab weroto ak kiguur malaikaiyatab Kamuktaindet ne mi kipsengwet Hagar, ak kilenji inendet, Amin nee, Hagar? Ameiywei; amu kagogas Kamuktaindet kutitab lakwet eng’ ole mi. Ng’eet, ui ing’eet lakwet, ak inamate eng’ eung’ung’; amu tun ayae inendet koek bororiet ne o.

Ak kimanach Sara, ak kisikyi Abraham werit eng’ osindanyi, eng’ betunoto ne kiga koarorji Kamuktaindet.

Ak kile Sara, Kagona Kamuktaindet arori; ak age tugul ne kasei ng’olyondoni kororiei kobota.

Kimwachi Kamuktaindet Abraham kolenji, Amegeer ko ya ng’olyondoni eng’ inye amu weri, ak amu chebiosoning’ung’ otwogin; kas ng’alekab Sara eng’ tuguchoto tugul kamwaun: amu bunu Isak oretab iyoteng’ung’.

Ak tun ayae weritab chebiosoni otwogin agine koek bororiet, amu inendet ko iyoteng’ung’.