Popular Bible Verses from LITANGA 17

ಶೇರ್

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Lieta liilio si lilava Aburamu kandi mba, navuzwa lilava Aburahamu kigira ndakokola ove guuga wi zihiiri zinyingi.

“Inzi ndakalindi lilagana liange ku ivi kandi ku visukululwi vivio mu makura gaaza kuli lilagana lihindira mihiga ni mihiga. Inzi ndakave Nyasaye woovo kandi wi visukululwi vivio.

“Inzi nombaa lilagana yili nivi: Ndagaa ndi ivi ulakave guuga wi zihiiri zinyingi.

Navuzwa Nyasaye yavoola, “Awa. Mukali woovo Sara alakwivulira mwana muyaayi kandi ivi ulamugulika Isaka. Inzi ndalinda lilagana liange harara naye kandi ni visukululwi vivie mihiga ni mihiga. Liveeye lilagana litaveeye ne keheri.

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

Aburahamu yinama hasi mamumama, navuzwa yaatanga koseka lwayaganaganyia ndi, “Umundu musaza anyala konyoora mwana lwaveeye ni mihiga 100? Sara anyala konyoora mwana naveeye ni mihiga 90?”

Nyasaye yavolera Aburahamu, “Ivi si ulalanga mukali woovo Sarai kandi mba; kutura kalunu ulamulanga Sara.

Munyi mulakevwa kandi kilava kelolero chi lilagana hagati hange na munyi.

Navuzwa inzi ndalinda lilagana liange nu muyaayi woovo Isaka, uwa Sara alakivuli mu ing'inga kuli yinu muhiga guzaa.”

Ku makura gaaza vuli muyaayi oveeye na madiku munane kuduuka akevwe, harara na vatugwa vivulwa munyumba yooyo kandi na vatugwa avaagulwa kutura ku vageni avataveeye avamasahi googo. Vuli mulala kuduuka akevwe, kandi yiki kilava kelolero chu muviri kumanyia ndi lilagana liange ni munyi liveeye limihiga ni mihiga.