Popular Bible Verses from Yohanes 16

ಶೇರ್

Hawe'ea toi ku'uli'-kokoi, bona mporata-koi kalompea' tuwu' ngkai posidaia'-ni hante Aku'. Bula-ni hi rala dunia' toi-pidi, bate rabalinai'-koi. Aga pakaroho nono-ni, apa' kudagi-mi dunia' toi.”

Ane tumai-i mpai' Inoha' Tomoroli', Hi'a-damo to mpotete'-koi pai' mpopo'incai-koi hawe'ea tudui' to makono. Uma-i mololita ntuku' konoa-na moto. Napa to na'epe ngkai Tuama-ku, toe-mi to nalolita. Pai' naparata-kokoi napa to jadi' hi eo mpeno.

Duu' hewa toe lau, ko'ia-koi ria merapi' napa–napa hante hanga'-ku. Wule' perapi'-mi-hana, nirata moto mpai', bona gana mpu'u kagoea'-ni.”

Aga kakoo–kono-na, rasi'-nidi ane hilou-ae! Apa' ane uma-a hilou, uma-i mpai' tumai Topetulungi. Aga ane hilou-apa mpai', kuhubui moto-i tumai hi koi'. ”Ane tumai-i mpai' Inoha' Tomoroli', Hi'a-damo to mpakanoto hi manusia' kamojeko'-ra. Napakanoto wo'o kamonoa'-ku pai' pehuku' Alata'ala.

Wae wo'o mpai' koi'. Tempo toi susa' nono-ni. Tapi' kupohirua' moto-kokoi mpai'. Nto'u toe, goe' nculii'-mokoi, pai' uma hema to mpo'alai'-koi kagoea'-ni tetu. ”Nto'u toe mpai', uma-pi mingki' nipekune'-a ba napa–napa. Makono mpu'u lolita-ku toi: napa–napa to niperapi' hi Tuama-ku hante hanga'-ku, bate nawai'-koi.

Makono mpu'u lolita-ku toi: geo' pai' motantangi'-koi mpai', tapi' tauna to uma mepangala' hi Aku', goe' moto-ra. Susa' mpai' nono-ni, tapi' kasusaa'-ni mobali' jadi' kagoea'.