Popular Bible Verses from Yohanes 15

ಶೇರ್

”Aku' toi-mi woto kaju, pai' koi'-mi ra'a-na. Tauna to tida hintuwu' hante Aku' pai' Aku' hante hira', wori' powua'-ra. Aga ane mogaa'-koi ngkai Aku', uma-koi bisa mpobabehi napa–napa.

”Tida-mokoi hintuwu' hante Aku', pai' Aku' wo'o hante koi'. Ra'a to mohepi' ngkai woto kaju, uma-i mowua'. Ra'a bate kana mentaka' hi woto-na bona mowua'-i. Wae wo'o koi': Sampale-koi mowua' ane tida-koi hintuwu' hante Aku'.

Ane tida-koi hintuwu' hante Aku' pai' lolita-ku tida hi rala nono-ni, perapi'-mi-hana hi Alata'ala ba napa–napa konoa-ni, bate nawai'-koile.

Bela koi' to mpopelihi-a. Aku'-dile to mpelihi-koie. Kuwai'-koi bago hilou hi rala dunia' bona mowua' wori'. Pai' powua'-ni toe uma mpai' moronto, ria kalaua-na duu' kahae–hae-na. Jadi', napa to niperapi' hi Tuama-ku hante hanga'-ku, bate nawai'-koi.

Ane ria tauna to mpewai' tuwu'-na bona doo-na tuwu', bohe mpu'u ahi'-na toe. Uma ria ahi' to meliu ngkai ahi' tauna to mpewai' tuwu'-na bona mpotulungi doo-na.

Hawe'ea ra'a to mentaka' hi Aku' to uma mowua', nalali. Pai' hawe'ea ra'a to mentaka' hi Aku' pai' to mowua', napeholui pai' napegalihi, bona kawoo–woria' wua'-na.

”Toi-mi hawa'-ku: Momepoka'ahi'-mokoi, hewa Aku' wo'o mpoka'ahi'-koi.

Ane mowua' wori'-koi, Tuama-ku rapomobohe. Ane hewa toe-mi po'ingku-ni, topetuku'-ku mpu'u-mokoi.

Na'uli' Yesus: ”Aku' toi-mi woto kaju to makono, pai' Tuama-ku pue' bonea.

Hema to uma tida hintuwu' hante Aku' bate ratadi, hewa karatadi-na ra'a to mohepi' duu'-na jadi' bangi. Ra'a to hewa toe, rarumpu pai' ratene' hi rala apu.

”Hawe'ea tohe'i ku'uli'-kokoi, bona goe' nono-ni hante kagoea' to ngkai Aku', pai' bona gana kagoea'-ni.

Ane nituku'-mi hawa'-ku, tida mpu'u-koi mohu' hi Aku' pai' nirasai mpu'u ahi'-ku, hewa Aku' wo'o mpotuku' hawa' Tuama-ku pai'-a tida mohu' hi Hi'a pai' mporasai ahi'-na.

Toi-mi hawa'-ku hi koi': Momepoka'ahi'-mokoi!

Ane rapa'-na hampodooa-koi hante tauna to uma mepangala', bate rapoka'ahi'-koi, apa' lawi' doo-rakoi. Tapi' kupelihi-mokoi pai' kupatani'-koi ngkai laintongo'-ra, alaa-na uma-pokoi doo-ra. Toe pai' rapokahuku'-koi.