Popular Bible Verses from ଯୋହନ୍‌‌ 15

ಹಂಚಿಕೊಳ್ಳಿ

“ନାନ୍ ଅଙ୍ଗୁର୍‌ ଟଣ୍ଡ୍ ମିଡ଼୍ ଆଦୁତିଡ଼୍ କମ୍‍ମା; ବେନ ନାୟାଗ୍ ମାନ୍‍ତଣ୍ଡ୍ ନୁ ନାନ୍ ବେନନାଗ୍‍ ମାନ୍‍ତାନ୍, ଅଣ୍ଡ୍‌ ଗାଟି କାୟା ଆଦିତଣ୍ଡ୍; ବାତେଙ୍କ୍ ଇତ୍‍କେ ନାନ୍ ଇଲ୍‍ଉକ୍ ମିଡ଼୍ ବାଆତେ ମିକା ମାଡ଼୍ ପାର୍‍ୱିଡ଼୍ ।

ନାୟାଗେ ମାନୁଟ୍, ଆଲେକେ ନାନ୍ ମିୟାଗ୍ ମାନ୍‍ତାନ୍ । କମ୍‍ମା ବେଲା ଅଙ୍ଗୁର୍‌ ଟଣ୍ଡେତାଗ୍ ମାନୋକ୍ କାୟା ଆଦେ ପାର୍‍ୱେ, ଆଦେପୁଟୁଙ୍କ୍ ମିଡ଼୍ ମିକା ନାୟାଗେ ମାନୋକ୍ କାୟା ଆଦେ ପାର୍‍ୱିଡ଼୍ ।”

ଯଦି ମିଡ଼୍ ନାୟାଗେ ମାନ୍‍ତିଡ଼୍, ମେଣ୍ଡେ ନାୟାୱ୍ ବାକ୍ୟ ମିୟାଗ୍ ମାନ୍‍ତା, ଆଲେକେ ବେନେଆୟି ବିଷୟ୍ ଇଚ୍ଛା ମାଡ଼ିତିଡ଼୍, ଆଦ୍ ତାଲ୍‍କାଟ୍, ମେଣ୍ଡେ ମିଇ ମାଇଦିଙ୍କ୍ ଆଦ୍ ଦର୍‍କିତେ ।

ମିଡ଼୍ ନାକିଂଙ୍କ୍ ହେଞ୍ଚୱିଡ଼୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ହଞ୍ଚିମିନ୍ଦେନ୍, ମେଣ୍ଡେ ବେଲା ଆଞ୍ଜ୍ କାୟା ଆଦ୍‍ସ୍‍ପିତିଡ଼୍ ନୁ ମିୟାୱୁ କାୟା ସାରେଦିନା ଆଦଡ଼େ ମାନ୍‍ତା, ଇଦିନ୍ ସେଙ୍ଗେ ମିକିଂଙ୍କ୍ ହେଞ୍ଚିମିନ୍ଦେନ୍ । ଆଗାଙ୍କ୍ ମିଡ଼୍ ନା ପେଦେର୍ ତେ ବାବାଙ୍କ୍ ବାତେମିକା ତାଲ୍‍କିତିଡ଼୍, ଅଣ୍ଡ୍‌ ଆଦ୍ ମିକିଂଙ୍କ୍ ହିଦ୍‍ତଣ୍ଡ୍

ନିଜେତ୍ ସାଙ୍ଗନ୍ ସେଙ୍ଗେ ଜିୱୁନ୍‍ ଇଦାନ୍ କନ୍‍ସ୍ ବେନନାଦ୍ ମେଣ୍ଡେ ଗାଟି ପ୍ରେମ ଇଲେ ।

ନାୟାଗେ ମାନ୍ଦାନ୍ ବେନ୍ ଆୟି କମ୍‍ମା କାୟା ଆଦକ୍, ଆଦିଙ୍କ୍ ଅଣ୍ଡ୍‌ ନାଡ଼୍‍କିତଣ୍ଡ୍; ମେଣ୍ଡେ କାୟା ଆଦ୍‍କେ, ଗାଟି କାୟା ଆଦାନ୍ ସେଙ୍ଗେ ଅଣ୍ଡ୍‌ ଆଦିଙ୍କ୍ ସାଏ ଜତନ୍ ମାଡ଼ିତନ୍ ।

ନାନ୍ ବେଲା ମିକିଂଙ୍କ୍ ପ୍ରେମ ମାଡ଼୍‍ତାନ୍, ମିଡ଼୍ ମିକା ଆଲେକେ ମିଇ ମିଲୋପେ ପ୍ରେମ ମାଡ଼ାଟ୍, ଇଦ୍ ନାୱାଦ୍ ଗଟ୍ ।

ମିଡ଼୍ ନାର୍‍ଗେ କାୟା ଆଦ୍‍କେ ନା ବାବାଲ୍ ମହିମାନିତ ଆଦ୍‍ତନ୍, ମେଣ୍ଡେ ମିଡ଼୍ ନା ସାଏତ୍ ଶିଷ୍ୟଡ଼୍ ଆଦ୍‍ତିଡ଼୍ ।

“ନାନ୍ ନିଜାତାଦ୍ ଅଙ୍ଗୁର୍‌ ଟଣ୍ଡ୍, ମେଣ୍ଡେ ନା ବାବାଲ୍ ଚାଷୀ ନାରୁଣ୍ଡ୍‌ ।

ବେନ ବେସୁଟେ ନାୟାଗ୍ ମାନନ୍, ଆଲାଇତ୍‍କେ ଅଙ୍କ୍‌ ନାଡ଼୍‌କ୍‍ତାଦ୍ କମ୍‍ମା ଲେକାମ୍ ବାଇଦେ ହେସିଦ୍‍ତଡ଼୍ ନୁ ୱାସ୍‍ପିତ୍‍ଡ଼୍, ମେଣ୍ଡେ ନାରୁଡ଼୍ ଆୱିଙ୍କ୍ ଅଣ୍ଡୟାଗେ ମାଡ଼ି କିସ୍‍ତାଗ୍ ୱାଟିଦ୍‍ତଡ଼୍ ନୁ ଆୱ୍‍ଚାରେ କାଡ଼୍‍ୱିତା ।

“ନାୱାଦ୍ ୱେଡ଼୍‍କ୍ ବେଲାକି ମିୟାଗ୍ ମାନ୍‍ତେ, ମେଣ୍ଡେ ମିୱାଦ୍ ୱେଡ଼୍‍କା ବେଲା ସାରେ ଆଦ୍‍ତେ, ଇଦିନ୍ ସେଙ୍ଗେ ନାନ୍ ଇୱୁସାରେ ମିକିଂଙ୍କ୍ କେତ୍‍ତାନ୍ ।

ନାନ୍ ବେଲା ନା ବାବାନ୍ ଗଟ୍ ପାଲନ୍ ମାଡ଼ି ଅନାଦ୍‌ ପ୍ରେମାତାଗ୍ ତିଆର୍ ଆତ୍‍ତାନ୍, ଆଦେପୁଟୁଙ୍କ୍ ମିଡ଼୍ ମିକା ନା ଗଟ୍ ପାଲନ୍ ମାଡ଼ିତିଡ଼୍, ନା ପ୍ରେମାତାଗ୍ ତିଆର୍ ଆଦେ ପାର୍‍ଦ୍‍ତିଡ଼୍ ।”

ମିଡ଼୍ ବେଲା ମିଇ ମିଲୋପେ ପ୍ରେମ ମାଡ଼ିତିଡ଼୍, ଇଦିନ୍ ସେଙ୍ଗେ ନାନ୍ ମିକିଂଙ୍କ୍ ଇଦ୍‍ସାରେ ଗଟ୍ ଇସମିନ୍ଦେନ୍ ।”

ମିଡ଼୍ ଯଦି ଜଗତ୍‍ତାଗ୍ ମାନେଡ଼ି, ଜଗତ୍ ମିକିଂଙ୍କ୍ ନିଜେତ୍ ନାରୁଡ଼୍ ଇଞ୍ଜ ସ୍ନେହ ମାଡ଼େଡ଼୍; ବାତେଙ୍କ୍ ଇତ୍‍କେ ଜଗତ୍‍ତାଗାଙ୍କ୍ ନାନ୍ ମିକିଂଙ୍କ୍ ଜଗତ୍ ଲୋପେଙ୍କ୍ ହେଞ୍ଚିମିନ୍ଦେନ୍, ମେଣ୍ଡେ ମିଡ଼୍ ଜଗତ୍‍ତଡ଼ି ଆୟୱିଡ଼୍, ଇଦିନ୍ ସେଙ୍ଗେ ଜଗତ୍ ମିକିଂଙ୍କ୍ ପାସ୍‍କି ତେ ।