ଯୋହନ୍‌‌ 14ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ନାନ୍ ମିକିଂଙ୍କ୍ ଶାନ୍ତି ଦାନ ମାଡ଼ି ଆଦୁତାନ୍, ନାୱାଦ୍ ନିଜେତ୍ ଶାନ୍ତି ମିକିଂଙ୍କ୍ ଇଦୁତାନ୍; ଜଗତ୍ ବେଲା ଦାନ ମାଡ଼ିତେ, ନାନ୍ ମିକିଂଙ୍କ୍ ଆଦେଲେକାମ୍ ଦାନ ମାଡ଼ନ୍ । ମିୱାଦ୍ ହୃଦୟ୍ ଉଦ୍‍ବିଗ୍ନ କି ୱେର୍‍ମାକି ।

ଜିସୁ ଅଂକିଙ୍କ୍‌ କେତ୍‍ତଣ୍ଡ୍‌, ନାନ୍ ଆର୍, ସତ୍ ନୁ ଜିୱୁନ୍; ନାଆଲାନ୍ ଅନ୍‌‍ୱେ ବେନବା ବାବାନ୍ ଗାର୍‍ରେ ଆଦ୍‍ପାର୍‍ୱଡ଼୍ ।

ଜିସୁ କେତ୍‍ତଣ୍ଡ୍, ମିୟାଦ୍ ହୃଦୟ୍ ଉଦ୍‍ବିଗ୍ନ ଆୟ୍‍ମା; ମିଡ଼୍ ଇଶ୍ୱର୍‌ତିଙ୍କ୍ ବିଶ୍ୱାସ୍ ମାଡ଼ାଟ୍, ନାକିଂଙ୍କ୍ ମିକା ବିଶ୍ୱାସ୍ ମାଡ଼ାଟ୍ ।

ଆଦ୍ ସାହାଯ୍ୟୟକାରି ବେନ୍ ପବିତ୍ର ଆତ୍ମାତିଙ୍କ୍ ବାବାଲ୍ ନା ପେଦେର୍ ତେ ମାଲ୍‍ପିତନ୍, ଅଣ୍ଡ୍‌ ସାରେ ବିଷୟ୍‍ତେ ମିକିଂଙ୍କ୍ ବାତେଏ କେସ୍‍ମିନ୍ଦେନି, ଆଦ୍‍ ସାରେ ମିକିଂଙ୍କ୍ ଏର୍କା ମାଡ଼ିଦ୍‍ତଣ୍ଡ୍‌ ।”

ବେନ ନା ଗଟିସାରେ ଗ୍ରହନ୍ ମାଡ଼ି ପାଲନ୍ ମାଡ଼ିତନ୍, ଅଣ୍ଡ୍‌ ନାକିଂଙ୍କ୍ ପ୍ରେମ ମାଡ଼ିତନ୍, ମେଣ୍ଡେ ବେନ୍ ନାକିଂଙ୍କ୍ ପ୍ରେମ ମାଡ଼ିତନ୍, ନା ବାବାଲ୍ ଅଂକିଙ୍କ୍‌ ପ୍ରେମ ମାଡ଼ିତନ୍, ମେଣ୍ଡେ ନାନେମିକା ଅଂକିଙ୍କ୍‌ ପ୍ରେମ ମାଡ଼ିତାନ୍ ନୁ ଅଂକିଙ୍କ୍‌ ପ୍ରକାଶ୍ ମାଡ଼ିତାନ୍ ।

ମେଣ୍ଡେ, ନାନ୍ ବାବାଙ୍କ୍ ଅନୁରଦ୍‌ ମାଡ଼ିତାନ୍, ମେଣ୍ଡେ ମିଇ ସାଙ୍ଗେତେ ସାରେଦିନା ମାନ୍ଦାନ୍ ସେଙ୍ଗେ ଅଣ୍ଡ୍‌ ମିକିଂଙ୍କ୍ ମେଣ୍ଡେ ୱେରନ୍ ସାହାଜ୍ୟ କାର୍‍ଙ୍ଗି ହିଦ୍‍ତଣ୍ଡ୍, ଅଣ୍ଡ୍‌ ସତ୍ୟମୟ ଆତ୍ମାଙ୍କ୍ ହିଦ୍‍ତନ୍ । ଜଗତ୍ ଅଂକିଙ୍କ୍‌ ଗ୍ରହନ୍ ମାଡ଼େ ପାର୍‍ୱ, ବାତ୍‍ତିଙ୍କ୍ ଜଗତ୍ ଅଂକିଙ୍କ୍‌ ଉଡ଼ କି ପୁନ୍‍ନ; ବାତେଙ୍କ୍ ଇତ୍‍କେ ମିଡ଼୍ ଅଂକିଙ୍କ୍‌ ପୁତ୍‍ତିଡ଼୍, ବାତେଙ୍କ୍ ଇତ୍‍କେ ଅଣ୍ଡ୍‌ ମିଇ ତଡ଼୍ ମାନ୍‍ତନ୍, ମେଣ୍ଡେ ଅଣ୍ଡ୍‌ ମିଇ ଜିୱେତାଗ୍ ମାନ୍‍ତନ୍ ।

ମେଣ୍ଡେ ନା ପେଦେର୍ ତେ ବାତେଏ ତାଲ୍‍କିତିଡ଼୍, ଆଦ୍ ନାନ୍ ମାଡ଼ିତାନ୍ । ବେଲାକି ପିଲାନ୍ ତଡ଼୍ ବାବାନାଦ୍ ମହିମା ପ୍ରକାଶ୍ ଆଦ୍‍ତେ । ଯଦି ମିଡ଼୍ ନା ପେଦେର୍ ତେ ବାତେଏ ବିଷୟ ନାକିଂଙ୍କ୍ ତାଲ୍‍କିତିଡ଼୍, ନାନ୍ ଆଦ୍ ମାଡ଼ିତାନ୍ ।

ଯଦି ମିଡ଼୍ ନାକିଂଙ୍କ୍ ପ୍ରେମ ମାଡ଼ୁତିଡ଼୍, ଆଲେକେ ନାଉ ଗଟ୍ ସାରେ ପାଲନ୍ ମାଡ଼ିତିଡ଼୍ ।

ନା ବାବାନ୍ ଲୋନ୍‌ ନାର୍‍ଗେ ପଡ଼ିୟେମିନ୍ଦେ; ଯଦି ଇଲକଟ୍ ମାନେଡ଼୍‍, ଆଲେକେ ନାନ୍ ମିକିଂଙ୍କ୍ କେଲନ୍ ଆୟେନ୍, ନାନ୍ ମିଇ ସେଙ୍ଗେ ପଡ଼ିୟେ ମାଡ଼ାଙ୍କ୍ ଆଦୁତାନ୍

ମେଣ୍ଡେ ନାନ୍ ଆଞ୍ଜ୍ ମିଇ ମାଇଦିଙ୍କ୍ ପଡ଼ିୟେ ମାଡ଼ି ମେଣ୍ଡନ୍ ଦାମ୍ ୱାଦ୍‍ତାନ୍, ମେଣ୍ଡେ ନାନ୍ ବେନ୍ ପଡ଼ିୟେ ତାଗ୍ ମାନ୍‍ତାନ୍, ମିଡ଼୍‍ଆନ୍‌ନ୍ତେ ଆଗେ ମାନ୍‍ତିଡ଼୍, ଆଦିନ୍ ସେଙ୍ଗେ ମିଇ ପାକେ ୱାଦ୍‍ତାନ୍ ।

ତୋମାଲ୍‌ ଅଂକିଙ୍କ୍‌ ପଚ୍ରାରା ମାଡ଼୍‍ତଣ୍ଡ୍‌, ପ୍ରବୁ, ନିମ୍‍ ବେନ୍ ପଡ଼ିୟେ ତାଗ୍ ଅଦୁତିନ୍, ଆଦ୍‍ମାମେ ପୁନ୍‍ନମ୍; ଆର୍ ବା ବେଲା ପୁତ୍‍ତମ୍ ?