Popular Bible Verses from OMOCHANKO 17

ಶೇರ್

Ekero Aburamu abeire nemiaka emerongo kianda, na kianda (99). Omonene akamoorokera, akamotebia, “Inche ninche Nyasae Omobui; genderera ase obosio bwane, na obe omoikeranu.

Bono erieta riao tirikoba naende Aburamu, korende nigo orarokwe Ibrahimu, ekiagera nagokorire obe sokoro bw’ebisaku ebinge.

“Ning’ikeranie okobwatana kw’ogotianania egati yane naye, na ororeria rwao korwa nyuma yao, kogenderere ekiaare ase ekiaare, kobe okobwatana gwa kare na kare; imbe Nyasae oo, na oyo bw’ororeria rwao korwa nyuma yao.

“Rora, okobwatana kwane nabwatanire naye nakwo oko: Aye nobe sokoro bw’ebisaku ebinge.

Nyasae akamokania, akamotebia, “Taibo, Sara mokao nakoiborere omwana omomura, na aye nomoroke Isaka. Inche ning’ikeranie nere okobwatana kwane kw’ogotianania, kobe okobwatana gwa kare na kare ase ororeria rwaye rorache korwa nyuma yaye.

Inche ninkoe aye, na ororeria rwao rorache korwa nyuma yao, ense eye omenyete bono buna omomenyi, ense yonsi ya Kanani, ebe eyaino kare na kare, na inche nimbe Nyasae obo.”

Erio Ibrahimu agatung’ama inse, agaseka, akabora ase omoyo oye ime, “Inee! Omonto ore nemiaka rigana nanyare koibora omwana?” Sara nere oyo ore nemiaka emerongo kianda aibore omwana?

Naende Nyasae agatebia Ibrahimu, “Sarai mokao, tobaisa komoroka naende Sarai, korende erieta riaye nigo rirabe Sara.

Goika mokebwe risankwa ria isiko ri’ekiimo kiaino ki’obosacha, na ayio nabe ekemanyererio gi’okobwatana egati yane nainwe.

Korende ning’ikeranie okobwatana kwane na Isaka, oyo Sara araibore ase engaki buna eye iga, ase omwaka ogocha.”

Ekiaare ase ekiaare kera omwana omoisia ore ase egati yaino goika arokigwe ekero akoorire amatuko atano na atato, omobiare o inka amo nomogorwa chibesa korwa ase abanto ba isiko, otari bw’ororeria rwao. Omobiare o inka na omogorwa chibesa, bonsi goika barokigwe. Ase igo ekemanyererio gi’okobwatana kwane inakebe ase emebere yaino goika kare na kare.