Popular Bible Verses from Gha ta Wəshi 8

ಶೇರ್

Pa Mahwətə fate zəŋwəa wəshi melɛa shɛhɛ ganyɛke. Ma ke mbe ghəa ŋkɛ: «Katezhɛne 'ya kabezla hɛɗi tewəmbəreke mbeli we. Kaganda ne, wəsə kwa ndiremi ya mbe wənəa nci se kawəzege. Ama katezhɛne 'ya kaza sebe te wəshi nyi nza mpi hwe zhɛkwa kala nya menete nya 'ya we. Kala nya tetemə hɛɗi ne, katetemə yɛ tsawe wəshi ba'a mene wəshi se te wəve, yɛ ntasle le hwələ, yɛ cimə le feghwe ba'a yɛ veci le viɗi.»

Pa Nowɛ pate nda reghwetɛ ke Mahwətə. Pa ŋkɛ ntave zake zake hwa wəshi keseɗa nyi jama jama nyi wɛŋe wɛŋe ba'a hwa 'yɛ nyi wɛŋe wɛŋe ba'a dzeghekɛ nda melɛ kwa tere tere te reghwetɛa shɛ.

Pa Shala zəzəte yɛ Nowɛ le wəshi keseɗa nyi ki ghɛ ba'a nyi hwa gamba nyi mbe kwambelə yite. Pa ŋkɛ vɛte sefə te hɛɗi, ntake yɛmə kagweɗakwe geva.

Ma kwa tɛhwɛɗi ne, pa gheɗepe zhɛneke geva kase sha Nowɛ. Slekea bekele kakwateɗa ya mbe mɛ ve. Ma tagha gɛ ne, pa Nowɛ ɗepete nahe yɛmə kegweɗakwe te hɛɗi.