Popular Bible Verses from Иа́но 17

ಶೇರ್

Кэр лэн свэнтонэнца Тырэ́ чачипна́са. Тыро́ лав исын чачипэ́н.

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Нэ Мэ манга́ва на пал екхэндэ лэ́ндэ, нэ и пал одолэ́ндэ, савэ́ патя́на дрэ Ма́ндэ пир лэ́нгиро лав; соб (кай) ёнэ тэ явэ́н сарэ́ сыр екх, сыр Ту, Да́до, сан дрэ Ма́ндэ, и Мэ сом дрэ Ту́тэ, адя́кэ-паць Мэ и ёнэ тэ явэ́н дрэ Амэ́ндэ, мэк тэ упатял свэ́то, со Ту бичхадян Ман.

Мэ на манга́ва, соб (кай) Ту тэ лэс лэн свэто́стыр, нэ соб (кай) Ту тэ приракхэс лэн чорипна́стыр

И бари паты́в, сави́ Ту дыя́н Ма́нгэ, Мэ дыём лэ́нгэ: мэк тэ явэ́н ёнэ пал екх, сыр Амэ сам Ту́са екх. Мэ сом дрэ лэ́ндэ, и Ту сан дрэ Ма́ндэ; мэк ёнэ тэ явэ́н скэдынэ́ дро екх, и мэк свэ́то тэ джинэ́л, со Ту бичхадян Ман, и со Ту́кэ ёнэ исын дро́га, адя́кэ-паць, сыр и ёнэ ячнэ́ дро́га Ма́нгэ.