Popular Bible Verses from Иа́но 16

ಶೇರ್

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

Ке́ли явэ́ла Ёв, чачипна́скиро Ду́хо (Фа́но), тэды сыкавэ́ла тумэ́нгэ чачуно́ дром дро джиибэ́н; пал-дова́ со Ёв явэ́ла тэ ракирэ́л на Кокоро́ Пэ́стыр, нэ Ёв пхэнэ́ла тумэ́нгэ одова́, со шунэ́ла, и Ёв пхэнэ́ла, со явэ́ла анги́л.

Кэ дава́ часо тумэ́ нисо́ на мангнэ́ Мирэ́ лавэ́са, мангэ́н, и дорэсэ́на, соб (кай) ра́дыма дро тумаро́ ило́ тэ явэ́л пхэрды́.

Нэ Мэ, чачэс, ракира́ва тумэ́нгэ: фэды́р ваш тумэ́нгэ, соб (кай) Мэ тэ джав; ко́ли Мэ на джа́ва, тэды Обрадыпнаскиро на явэ́ла кэ тумэ́, нэ ко́ли Мэ джа́ва, тэды Мэ бичхава́ва Лэс кэ тумэ́. И, ке́ли Ёв явэ́ла, бангякирэла свэ́то пал грэ́хо, и пал чачипэ́н, и пал сэ́ндо

Адя́кэ-паць и тумэ́ какана́ сан смэнтна; нэ Мэ ява́ва тэ дыкха́в нэвэ́стыр тумэн, и ило́ тумаро́ явэ́ла пхэрдо́ радыма́са, дая́ ра́дыма тумэ́ндыр нико́н на отлэла. И дро одова́ дывэ́с тумэ́ на пхучэна Ма́ндыр ни пал со. Чачэс, чачэс Мэ ракира́ва тумэ́нгэ: пал со тумэ́ тэ на мангэ́н Дадэ́с Мирэ́ лавэ́стыр, Ёв дэ́ла тумэ́нгэ.

Чачэс, чачэс ракира́ва Мэ тумэ́нгэ: тумэ́ явэ́на тэ ровэ́н и тэ пиридживэн, нэ свэ́то явэ́ла тэ радынэ́лпэ; тумэ́ явэ́на тэ смэнтнинэн (тэ тугинэн), нэ тумари́ смэнтныма ячэ́ла радыма́са.