Popular Bible Verses from GENESIS 17

ಶೇರ್

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

Enyiŋ fo idinyuŋ ikereke aba Abram, edi enyiŋ fo edikere Abraham: koro nnimde fi ke ete ediwak idut.

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

Abasi ɔdɔhɔ enye ete, Ami, sese, ediomi mi odu ye afo, afo eyenyuŋ edi ete ediwak mme idut.

ke iso fo. Ndien Abasi ɔdɔhɔ ete, Sarah ŋwan fo iditreke ndiman eyen nnɔ fi, afo eyenyuŋ osio enye enyiŋ Isaac. Ami nyenyuŋ nnam ediomi mi ada ye enye ye ubon esie ŋko eke editienede enye edem, nte nsinsi ediomi.

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

Ndien Abraham ɔduɔ ke isɔŋ okubi iso esie, onyuŋ asak imam, ndien ɔdɔhɔ ke esit esie, ete, Nte eyen edimana ɔnɔ owo isua ikie? Nte Sarah, emi edide isua anaŋ ye duop, eyenyuŋ aman eyen?

Ndien Abasi ɔdɔhɔ Abraham, ete, Ama edi Sarai ŋwan fo, kukot aba enyiŋ esie ete, Sarai, koro Sarah edide enyiŋ esie.

Mbufo enyuŋ esibe edut mbufo efep; ndien emi eyedi idiɔŋɔ ediomi ke ufɔt mi ye mbufo.

Nyenyuŋ nnam ediomi mi ada ye Isaac, emi Sarah edimande ɔnɔ fi, ke adaŋa emi isua ebem eke edide.

Yak eyen usen itiaita ke otu mbufo ana mbobi, kpukpru iren owo ke emana mbufo; eke amanade ke ufɔk, eke enyuŋ edepde ke inyene, ye kpukpru isen owo eke midige oruk mbufo. Owo eke amanade ke ufɔk fo, ye eke edepde ke inyene fo, ekutre ndina mbobi: ndien ediomi mi eyedu mbufo ke obukidem nte nsinsi ediomi.