Popular Bible Verses from Marcos 14

ಶೇರ್

Eta mayurasira'i maka'e'i “Abbá, Tata, tamutu eta piwara'akene titauchawa tájina temaitukavina, pikatajikanusera pikatiuchanu eta juka nichararakawaya, wá'isera takuitauchawa eta nuwara'akene nuti, étasera eta piwara'akene piti, eta taitauchawa.”

Éjamiuchawa, eyujarauchawa apaesa eyaseaka ema Viya eta etumewaina wa'i makuituruka'e ema Wínaraji. Yátupi'ineni eta iáchanewana tarata'a'i tikaratakawa, étasera eta eche, wa'i tarata'aima'i tikaratakawa.

Nutupiruwa numetaka'e, nákani tikametarairuanayare eta tiurinakene echéjirirukawa, náechejisi'ayare eta juka suíchakene'i esu suka esena, témechanayare tamutu awasareana te juka apake'e.

Máichawakapa: –Tétavikawa eta táeñamirawa muraka eta nusamure. Tawara'a tikapakanu. Áka'echa'a ani te juka, wá'isera ekuimaka, ekuneuchanu'i.

Taka'e, eta nanisira'i, ema Jesús mave'apa te mawa'uana eta pan, tási'a, mayujarauchapa, mayuvetukapa máijarakawakapa ena, tási'a máichawakapa: –Éraya, eta juka eta náke'e.

Taka'e, mave'awarepa eta wasu náerirare, ma'asulupayachawarepa ema Viya, máijarakawarepa ena, tási'a namutupa teranapa. Tási'a máichawakapa: –Eta juka eta nítine. Eta táepusairuwa'i, eta taitauchirawa'i eta vitratune, eta íti taepusairuwa'i naye'e ena ichapemurikeneana.

Ema Jesús máichawakapa: –Emutu eti ejunijikanuyare. Taicha taka'e'i eta taechejiriruwa eta Ajureka: ‘Nísapayare nakarataka ema Pastor eta nakapasirayare, tási'a téjanerepaikainapa eta uvesana.’

Échepukapa, viyanapa, márajapa ema tíjararekanuyare.

Ema Jesús májikapapa: –Nutupiruwa numetakavi: Puiti juka yati, te tamira'upaicha'a eta táechejisirayare eta warayu, mapa'eyare eta péñauchirawayare.