Popular Bible Verses from Marcos 13

ಶೇರ್

Namutu ena achaneana tikatianaka'eanayare táichavene'i eta é'isiranu'i, émasera mákani tikamichaya te táitawapa tamutu, tiuchuku'ayare.

“Eta taka'e, ekuneuchawa etsekawa'i eti, eyujarauchawayare. Taicha wa'i echa taja'apuka jákani sácheyare eta nuchavirayare núti Manerejirunu'i ema Viya.

Tasi'a wa'i ekueñamawa eta échejiuchirawayare, ekatiuchirawayare, taicha te taitekapapa eta uraya, máima'a'einepa ema Viya tíjaraka'eyare eta ítusirayare échejika, wa'iware étijiwaima'i eta échejika, émayare'i ema Machanewa Viya.

Títawayare eta anuma étapa eta apake'e, étasera eta nechejiriruwa titauchawayare, wa'i tianuku'aima'i.

“Eta juka tiáramikareyarechucha, nájina téchaima'i tájamu'uyarepuka eta táitauchirawayare, énaipa ena ángeleana wa'i náecha'ini, nútiwanereka'ipukaini nécha'ini. Makarichu ema Tata, ema técha'i.

“Te ésamairikapa eti, eta techakareyare táe'akakairayare, eta ichapekeneana awasareana. Tikanarajirikakanaya eta awasareana, tikauyayakarenapa guierraina eye'e eti. Wá'isera ekuarameka eta esamairisiraya, eta ekutiarareanayare wícha'asera étaima'i eta táichekuiraina.

Eta taka'e ekuneuchawa etsekawa'i eti, taicha wa'i echa taja'apuka titekapayare ema Tata Viakenu, eta té'epuka timapikuku'i, té'epuka enumu'u yati, té'epuka tijararamape, té'epuka yátikara'i; machu níja'uchawa nítekapaucha'e, wa'iware nawara'a nuchimaraka'e eta ímaka'ipuka. Taicha wa'i échaima'i tájamu'upuka nítekapayare nuti iákenunu. Eta juka numetaru'eana'i puiti, nuwara'a emétakayareware ena echamuriana: ¡Apaesa ekauneyare emutu!”

Taicha eta awasareana te'ajirikakawakainapa etajikaka; éneichuware tatiari'iyarewa eta ichape eku'amu'uya te awasareana. Éneichuwa tiyamuripaikaya eta apake'e. Tamutu eta juka tapaenumawa táepanirawayare eta nátajiwanayare ena achaneana.

Taka'e te tiane'ipa eta taitekapiraya eta taitaviraya eta juka apake'e, ekametarairuyare eta Tiúrina Echéjirirukawa taye'e tamutu awasareana. Te ítekapapa te tamutu, tépanawayare'i eta táichekuirayare.

Taicha nárajapayare ena tépiyakawanayarepa'i tímiwasichawana nuye'e. Naka'enapa: ‘Nútipa ema Cristo’, nasapi'a nawayuakayare ena kamuriana achaneana.

“Etijiwayare ekuneuchawayare, taicha tikarataka'eanainapa tiáma'eanainapa naye'e ena tuparairukana, téstaka'eanainapa te peti náurujisirarewa ena juriyuana. Ena tiáma'eanainapa te namira'u ena akenukana, té'eware te namira'u ena reyeana, táichavene'i eta é'isiranu'i, taka'e ekamapurawainapa échejisianuyare eta nuye'e te namira'u ena.

Tási'asera titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

“Te'esera jena sacheana te taetavikawapa eta vikatajiwairaya, eta sache téma'ainapa, eta kaje waipa timikaucha'avima'i eta tajaraiwa, eta jarairikiana témirikanainawarepa. Étaipa eta tiávi'ana'i te anuma vima'akeneana'i, éneichuware tiyamurikanainapa, tiyejejekawanainapa.