Popular Bible Verses from Marcos 11

ಶೇರ್

Eta taka'e numetaka'e, eta eyaseserepiyare eti, eyujarakayare me Viya. Tási'a, tíjaraka'enapa ema tamutu eta eyasearuanaya.

Nutupiruwa numetaka'e, jé'esare, eti apana esamakareyarewa, te yátupina ákasiñawa me Viya. Tájina émaitukaima'i. Erata'ayarewa ekayejeka eta mari te apachakaya eta ichape une, tájina iáwamira'uima'i te esamureana.

Éneichuware, te éñauchawa emetavika eti, eta naviurewana'i nákani tejekapawana'i eta eye'e. Apaesa éneichuwa maemetavika'e eta eviurewana ema Tata Vikaiyakene tiavi'a'i te anuma, tamutu eta epekaturana.

Ema Jesús majikapawakapa: –Yátupina ákasiñawa me Viya.

Tási'a, máimitukawakapa ena natiari'ikeneana'i, máichawakapa: –Taka'e'i eta táechejiriruwa'i eta Takapika'ukene Ajureka: ‘Eta nupena takarichu táikuchi'i eta nayujarasirareya ena achaneana tiási'ana te tamutu awasareana’, étisera tiámera'iana ekasiapawapa eta juka.

Tási'a ena tínapumirauchanapa'i, énapa ena tékene'anapa'i tipiararekanapaipa'i: –¡Pikatiucha'avi! ¡Pájapanu'avi! ¡Asulupaya eta pítekapira'i te maijare ema Tata, piti yátupikene'i Viakenuvi'i!

¡Asulupaya eta pítesira, píti yátupikenevi'i, rey-vi'i viye'e! ¡Wanairukavi'i me Viakenu tiasi'a te anuma!