Popular Bible Verses from Marcos 10

ಶೇರ್

Taicha, wa'i étaina tímiteka'ini makaitatikasi'ini ema Machicha ema ajaira, émayare'i títati'e eti.

Ema Jesús maímararakawakapa, tási'a majikapapa: –Nájina émanaina achane émajiwaima'ni tikuchuku'awa, émasera ema Viya, makarichu marata'a tikuchuku'a'avi.

Ema Jesús máichapa: –Táichavene'i eta pikasiñawaira'i me Viya, pinarakapa puiti. Enurujine'i tímairirika, taka'e, máe'ikapa makachanepaipa ema Jesús eta mapaisirapa'i te achene.

Eta taka'e, ema achane wa'i taurika'ini eta mainajika'ini esu mayena, taicha emakene'i ema Viya tímive'a'i.

Ema Jesús máimararakapa, máemunakaine'i, tási'a májikapapa: –Jukaicha'a'i eta pítauchakeneyare: piyana, píjararekaya tamutu eta píma'akeneana, tási'a píjarakawakapa ena páureana. Jé'eware eta pijakapayare eta píma'akeneyare te anuma. Tási'a pitekapa pé'ikanu.

taka'e, mayaserekapa: –¿Tája'a pikamunu nuye'e? Ema púchuki majikapapa: –Tátachicha, nuwara'a pikaimairikanupaini.

Wá'isera ekuka'e eti, naye'e ena echamuriana. Mákani tímerekawa'i tikapika'upana, takamunu'i máitatiwakayare ena apamuriana

Nutupiruwa numetaka'e, mákani wa'i makukuti ema amuya eta masuapajiraiwa, wa'i tisiapaima'i te mawasa ema Viya akenuka te anuma.

Tási'asera mavera'e eti etiari'ikeneana'i puiti. Te jena sácheyare, ichapepanainapa eta ekapika'uiraya. Ena puiti tikapika'uana'i, te táitauchawapa te jena sácheyare, énapawainapa tékene'anayare.

Te'esera te taepaninewa, ema Viya maepiyakapa ema achane esupa esu esena. Eta taka'e mákani amaperu achane majunijikainapa ema maiya, esupuka esu maena típutsikawainapa te mave'apa esu mayenayare. Énajiwainapa títátikakanayare. Eta nave'akakaira'i, tímikutijirikawaipa étanaine'i eta náke'eana.