Popular Bible Verses from GÉNESIS 17

ಶೇರ್

Abram isqon chunka isqonniyoq watayoq kashaqtintaq, Señor Diosqa payman rikhurispa, nirqan: –Ñoqan Tukuy-atiyniyoq Diosqa kani, munayniyman hina chaninta kawsay.

Manañan sutiykiqa Abramchu kanqa, aswanpas sutiykiqa Abrahammi kapunqa, askha runaq taytanpaq qanta churasqayrayku.

Ñoqan qanwanpas mirayniykikunawanpas rimanakusqayta wiñaypaq hunt'asaq, ahinapin qanpapas mirayniykikunaqpas Diosniykichis kasaq.

–Kaymi qanwan rimanakuyniy: Askha runaq taytanmi kanki.

Hinan Diosqa kutichirqan: –Cheqaqtapunin warmiyki Saraqa wawata qanpaq wachakunqa, sutichankitaq Isaacta. Rimanakuyniytataq paywan wiñaypaq takyachisaq, hinallataq mirayninkunawanpas.

Qanmanwan mirayniykimanwanmi kay tiyashasqaykichis hallp'ata qosqaykichis. Lliw Canaán hallp'an wiñay herenciaykichis kanqa, qankunaq Diosniykichistaq kasaq, nispa.

Hinaqtinmi Abrahamqa pampakama k'umuykukuspa asikurqan, sonqonpitaq nirqan: –¿Pachak watayoq runapaqchu qhari wawa nacenman? ¿Sarapas isqon chunka watayoqñachu wachakunman? nispa.

Diosqa Abrahamta nillarqantaqmi: –Sarai warmiykitaqa amañan “Sarai” ninkiñachu, aswanpas sutinqa kapunqa “Sara”.

Qhari-kayniykichis qarachatan kuchuqakunkichis, ñoqawan qankunawan rimanakusqay señal kananpaq.

Rimanakuyniytan ichaqa Isaacwan takyachisaq, paytan Saraqa qanpaq wachakunqa kunan hina tiempo q'aya watapi, nispa.

Qankunawan kashaq pusaq p'unchayniyoq llapa qhari wawan señalasqa kanqa, wasiykipi naceqpas, mana mirayniyki mayqen karu llaqtayoqmanta rantikusqaykipas. Wasiykipi naceqpas, rantisqa kaqpas llapankun señalasqa kanqaku, ahinapin wiñaypaq rimanakuyniy señalqa cuerpoykichispi kanqa.