Popular Bible Verses from KUZOYA 8

ಶೇರ್

Hata iji BWANA wasikira irumba jiboie ja icho kizongona, ukaghamba ngolonyi kwake, “Sichaaiwasira ndoe njowe sena kwa wundu ghwa mdamu, kwa kukaia maririkanyo gha ngolo ya mdamu kari kose ni mawiwi kufuma wanake ghwake, hata sichaachitotesha icho chose chiko moyo sena sa iji nabonya. Wurumwengu ghukikaia aeni, kimu cha kuwa na cha kukuwida, mbeo na mruke, ngelo ya kwari na ya sumesu, kio na dime wori ndevichaaida anduangi.”

Nao Nuhu ukamwaghia BWANA madhabahu; ukawada imu ya nyamandu rielie na imu ya nyonyi rielie, ukarifunya kizongona chekora aighu ya madhabahu.

Ela Mlungu ukamkumbuka Nuhu, nyamandu na mfugho rose rerekwanyeghe nao safinenyi. Mlungu ukareda kuweta kwa mbeo aighu ya ndoe, machi ghikazoya kupungua.

na mbughi ikammburia luma lwa kenyi, nao ola yadwae ilemba iwishi ja mzeituni momunyi kwake. Niko Nuhu ukamanya angu machi ghapungua ndoenyi.