Popular Bible Verses from KUZOYA 17

ಶೇರ್

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

Ndekuchaawangwa sena Abramu, ela irina jako kuchawangwa Abrahamu, kwa kukaia nakubonya oho kukaie ndee wa mbari nyingi.

Nani nichajimangisha ilaghano japo aghadi yapo na oho, jikaie ilaghano ja kala na kala kwa kivalwa chako chose chichagha, kivalwa hata kivalwa, angu nichakaia Mlungu kwako na kwawo wose wori.

“Ola ilaghano japo ni andwamweri na oho, kuchakaia ndee wa mbari nyingi.

Ela Mlungu ukaghamba, “Hata, ni muka wako moni Sara uchaakuvaia mwana wa womi, na irina jake kuchammbanga Isaaka. Nani nichajimangisha ilaghano japo kwake, na kwa kivalwa chake jikaie ilaghano ja kala na kala.

Nani nichakuneka oho na kivalwa chako chose isanga iji kwawuyajikaia sa mghenyi, isanga jose ja Kanaani, jipate kuwuya jawo kwa kala na kala, na ini nichakaia Mlungu wawo.”

Niko Abrahamu ukaghwa kiwushu-wushu, ukaseka ukaghamba ngolonyi kwake, “Mundu wa miaka ighana wadima kuva mwana? Sara wa miaka mirongo ikenda uchava mwana?”

Nao Mlungu ukamzera Abrahamu, “Na muka wako ndekuchaammbanga sena Sarai, ela uchawangwa Sara.

Wandu wose wa womi konyu wichashamishwa, nayo ichakaia alama ya ilaghano japo aghadi yapo na inyo.

Ela ilaghano japo ijo, nichajibonya na kujimangisha kwa Isaaka, uo Sara uchaakuvaia kimu sa ichi, mwaka ghuchagha.”

Kula mwana wa womi wa matuku wunyanya uchashamishwa, ngera oovailwa mzinyi kwako, angu ngera ooghulwa kwa pesa kufuma kwa mghenyi useko wa kivalwa chako, wichashamishwa ituku ja wunyanya nyuma ya kuvalwa kwawo. Uo uvalo nyumbenyi kwako na uo ughulo kwa pesa, wose wichashamishwa; ilaghano japo jipate kukaia mimbinyi konyu, ilaghano ja kala na kala.