Popular Bible Verses from Matthew 19

ಶೇರ್

Ekw Jesus kuiskw kaa kanawaapamaat e itaat, “Taan aniyuuh ekaa chii ihtuutahk iinuu kata chii ihtuutam wiya Chishemanituu.”

Namui shaash niishu awenichii chika uhchi ishinaakusuuch, maak mikw e peyakushit awen chika ishinaakusuuch. Aniyuu maak aweyuu Chishemanituu kaa wiichistiyaat, namui awen chipaa uhchi pahkaaniheu.”

Ekw Jesus kaa nishkweushihaat e itaat, “Namui aa kuuhchi ayimihtaanaawaau masinahiikanihch anit kaa itashtech, niishtam iinuuh kaa ushihaat Chishemanituu, naapeu ekw maak iskweu chii ushiheu. Chii itekupane maak Chishemanituu, ‘Uu uhchi, naapeu chika nakateu uniichihiikw che wiichimaat wiichiskweu ekw maak che peyakunakusitwaau.’ Eukw uyuu kaa itwekupane Chishemanituu.

Ekw Jesus kaa itaat, “Pachishtinaahkuch awaashach chechii pechi naasitwaau ekaawii uhchi chistahamuwaahkuch, wesh uyuu kaa iteyihtaakusitwaau awenich kihchikiishikw uchimaawinihch ishi tipeyihtaakusuuch.”

Mikw maak mihchetu anichii e chisteyihtaakusitwaau kaa iteyimaakanuutwaau namui chika uhchi chisteyihtaakusuuch anite Chishemanituu uchisheuchimaawiniihch kaye mihchetu anichii kaa iteyimaakanuutwaau ekaa chisteyihtaakusitwaau chika chisteyihtaakusuuch anite Chishemanituu uchisheuchimaawaniihch.”

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Ekw Jesus kaa itaat, “Tekash misiwe chekwaan waa ihtuutamuwane chechii kuiskutaatisiyin, nituu ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin. Chii ihtuutamane maak uu aashtam ekw maak che pechi nuushuushkuwiyin.”

Ekw Jesus kaa itaat, “Chekwaan wehchi kakwechimiyin chechii wiihtamaataan chekwaan meyaashich. Namui awen ihtaau tekash chechii miyu ihtit, mikw Chishemanituu. Wii ayaayine kaachiche pimaatisiiwin misiwe nanihiihta kacheskwewinh.”

Miin peyakwaau nika itwen, etituu aayimaniyuu awen kaa miisitisiit chechii piihchet Chishemanituu uchisheuchimaawiniihch ishpishaat an awesiis kaa mista piskwaakunet chechii shaapushkahk shaapunikaniyuu anite pekuneyaapiskaayich.”

Chiwiihtamaatinaawaau maak, naapeu wepinaate wiichiskweu ekaa maak uhchi pisikwaatisiyich aniyuu wiichiskeu, an maak naapeu wiichimaate kutak iskweu pisikwaatisiyuu an naapeu.”

Ekw Jesus kaa itaat aniyuu uchischinuhamuwaakan, “Taapwe chiwiihtamaatinaawaau, awen kaa miisitisiit taapwe chika aayimaniyuu chechii piihchet kihchikiishikw chisheuchimaawinihch.