Popular Bible Verses from Matthew 18

ಶೇರ್

Wesh aat mikw niishu maak nishtu awenichii e maauchihiitutwaau nitishinihkaasuwinihch uhchi, ekut kaye niya e ihtaauch anit e ihtaatwaau.”

“Kaye maak chiwiihtamaatinaawaau, niishu awenichii taapishkun e iteyihtamihiikutwaau chekwaayuu taan e ishi ayimihchiketwaau ekun nihaau che ishi ihtuutamaakutwaau Nuuhtaawii kihchikiishikuhch kaa ihtaayich.

Ekw Jesus kaa wiishaamaat awaasha, kaa uhchishkuukaapuhaat anit e ihtaatwaau. Ekw kaa itwet, “Taapwe chiwiihtamaatinaawaau, chiishpin ekaa kweskaatisiyekwe ekaa iteyihtaakusiyekwe muyaam awaash e iteyihtaakusit, namui wiiskaat chika chii piihchenaawaau kihchikiishikw chisheuchimaawinihch.

An awen che tipihteyimisukwe kaye mwehch awaash che iteyihtaakusikwe eukw an maauch che niikaaneyihtaakusit anite kihchikiishikw chisheuchimaawinihch.

Awen e utinaat peyakw awaasha nitishinihkaasuwinihch uhchi, mwehch kaye niya e utinit ekun e ishinaakuniyich.”

“Wesh taapwe chiwiihtamaatinaawaau, an chekwaan che maahkupatamuwane utah aschiihch chika maahkupitaakanuu anite kihchikiishikuhch, kaye an chekwaan che aapihkunamuwane utah aschiihch chika aapihkunakanuu anite kihchikiishikuhch.”

Ekw Jesus miin kaa itwet, “Ekun maak mwehch che ihtuutaakuyekw Nuuhtaawii kihchikiishikuhch kaa ihtaat, ekaa wepeyihtamuwekwenich chiichishaanuwaauch chitehiiwaahch uhchi.”

“An awen che ihtuutawaakwe chechii machituutamiyich peyakw uyuuh awaasha kaa taapweyimiyich uste kata miywaayuu chechii maahkupitaakanuyich e mihchaapischisiyich asiniih ukuyaahch ekw maak chechii nistaapaawet anite e mihchaakamiyich chihchikamiihch.

“Maamituneyihtamukw maa uu, naapeu aahch ayaawaat mitaahtumitanuu maanishchaanisha peyakw maak aniyuu wanishiniyich. Chika nikateu aniyuu peyakushtemitanuu peyakushteu anit e piskutauhkaayich che nituu naanituwaapamaat aniyuu peyakw kaa wanishiniyich maanishchaanisha.