Popular Bible Verses from Luglaa 32

ಶೇರ್

A baal ŋɔ, “Filaŋkeŋ i sɔŋ waa kaa di Jekɔb. Ba daŋ jaa ra yirii Izrɛl, dikuubɛɛwiai, i ni Kɔraawiizi ani baala yoowoo, ka ba waa wette bá kpeglii.”

Denii a baal ŋɔ, “Gil n kaali, bɔr chaanɔɔrɛ.” Ka Jekɔb ŋɔ, “Màá gil i kaali, di haŋ kissee lɛi.”

Awia, Jekɔb bɛŋ jaa ka de. Denii baal bɛl ba u be, u nuu yoo guŋŋ di ra ba hɔpizaa.

Uŋ wa kissuu tuŋ, Jekɔb dau de sɔŋ Pɛniɛl, dikuubɛɛwiai, u na Kɔraawiizii siwii ni, ka waa siuwɛ.

A baal n wa binnɛɛ lugɔ wàá wer kpegli Jekɔb la, u lɔ u kɛra, u kpuzi.

Denii a baal pɛɛzuu, “I sɔnnɛ ɛrɛɛ?” U ŋɔ, “N sɔnnɛ Jekɔb.”

Jekɔb ge bir pɛɛzuu, “Ka i ge sɔnnɛ ɛrɛɛ?” A baal ŋɔ, “Ɛrɛɛ wiarɛ i ra nyiŋŋi i zum n sɔnɛi?” Denii u kissuu.

Maa dɛg winanaa la hiŋ ɛɛwɛ tɛŋ ani wibii la hiŋ dɔɔwɛ tɛɛ mìŋ́ i balii. Saŋa la miŋ lii n hɛri di gi Jɔɔdan muu la, maa kummaa kpoglee di n daŋkpala bɛŋ lɛi. Ka filaŋkeŋ, n kuna jaa du bɔra anɛɛrɛ.

Haali ni zinaa, Izrɛl hina waa sɛɛwɛ ra hee sel maa kɛra, dikuu uŋ lɔ Jekɔb kɛra wia.

Denii Jekɔb kaa suŋŋi wiizi di ŋɔ, “Kɔraawiizi la n naabaal Abraham ni n mɛɛ Aizik n faa ra hum, hinuu ŋɔ n be, ‘Bir la i himmaa hɛri ni i nɛra be, n daŋ gil i nyɛɛli.’

N na suŋŋiibuu, lɛɛŋ di lii n kpɛɛma Ɛsau be. N na ɔmuu lugɔ u daŋ wa kpu n ni n haana ni biizi maa.