Popular Bible Verses from त‍इरकर 2

ಶೇರ್

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

अरा आर त‍इरकर ही सिखाब'अना अरा अपन ती नन्नर गने चोन्‍हा ती संगे भेंटारना नू अरा संगे ओन्ना-मॊख़ना ती उर्बासी दाँड़े आबोन सुरता नन्ना नू अरा संगे गोहरारना नू लक्‍का रहचर।

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

आचका ही मेर्ख़ा ती कोहाँ बरन्‍डो ही ख़रख़ना लेक्‍खा ख़रख़ना मेन्‍द्रा, अरा आर उक्‍काचर आ गोट्टा एड़पा गुदकारा केरा। अरा आर गे चिच्‍ची ही हदकारना गुट्ठी लेक्‍खा ऎथ्रा, अरा अबड़ा ओर्त ओर्त म‍इय्याँ उक्‍किया। अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

आर उर्मी उल्‍ला ओन जिया मनरकी धर्मेसी मन्दिर ही चाली नू ख़ॊंड़र'आलियर। अरा तम्‍‍है एड़पा एड़पा गुट्ठी नू उर्बासी दाँड़े आबोन सुरता नन्ना ती रिझ अरा उजगो जिया ती मंडी ओनालियर। अरा धर्मेसी ओहमा ननालियर ती उर्मी आलर ती मया ख़क्‍खियर। अरा नॆ नॆ नाड़र'आलियर आरिन उर्बस उर्मी उल्‍ला आर नू मेस'आलियस।

‘धर्मेस बाचकादस ‘मुंज्रना ही उल्‍ला गुट्ठी नू ऎन उर्मी आलर म‍इय्याँ एंग्‍है बॊलतन तुन्‍दोन, होले निम्‍है कुक्‍को कुक्‍के ख़द्दर धर्मेसी कत्थन मुन्द तेंगोर, अरा निम्‍है जॊंख़र देखार गुट्ठी ऎरोर, अरा निम्‍है पचगीर तुंगुल गुट्ठी ऎरोर।

अरा उर्मी पत्त'ऊ आलर ओन संगे र'आलियर, अरा आर ही एन्‍द्रा रहचा अबड़ा ओर्मर ही सजहा रहचा। आर तम्‍है जिनिसन अरा कुर्जिन बीसालियर अरा अदही ढिबन ओर्मर ही चाड़ ही लेक्‍खा ओर्मर गे ख़ट्टालियर।

तहाँ एका एका ओर्तर उर्बासी नामेन गोहरार'ओर आर नाड़र'ओर।’’

उर्बासी कोहाँ अरा लौकारना उल्‍ला ही बरना ती मुन्‍द बीड़ी ऊख़ा अरा चन्‍दो ख़ॆंस लेक्‍खा मनो क'ओ।