Popular Bible Verses from त‍इरकर 1

ಶೇರ್

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

येसुस आरिन बाचस, “बंगस एका उल्ला महले बेड़ा गुट्ठिन ओक्‍ताचस ती तंग्‍है आकुस नू दिम उइय्कादस, अदिन अख़ना निम्‍है चाड़ मलकी।

ओंग्‍होल येसुस आर गने मंडी ओनो बारी आरिन पॆसस का, “नीम येरुसलॆम नगरेन अमके अम्‍बा, लिकिन बंगासी गच्‍छरका ही पाब ऎरा, एकदा ही पत्त नू ऎन निमन मुन्‍द तिंकन। यॊहनस गा अम्मु ती नॊड़रताचस, लिकिन जोक्‍क उल्‍ला ख़ॊख़ा नीम नेम्‍हा बॊलतस ती नॊड़तार'ओर।”

येसुस दुक्‍खे भोगचका अरा केचका ख़ॊख़ा आर गे कोड़हे सबुत ऎदस का तान उज्‍जालदस। अरा आर गे बग्गे हॆल चालीस उल्‍ला गूटी ऎथ्रते रहचस अरा धर्मेसी राजी ही पत्त नू कछनख्रते रहचस।

आस इबड़न बाचका ख़ॊख़ा, आर ही ईरनुम ईरनुम आस म‍इय्याँ होतारस। अरा ओन्‍टा बदाली आर ही ईरनुम ती आसिन कुल्‍लिया चिच्‍चा।

अरा आसी कानुम, एकाबारी आर मेर्ख़ा तरा मॆन ऎरनुम रहचर, ख़नेम आचका ऎंड़ मॆतर पंडरू किचरी अत्तर आर गुसन बरचर इज्‍जर। अरा आर बाचर, “अना गलिलेया आलारो, नीम एन्‍देरगे इज्‍जनुम मेर्ख़ा तरा मॆन ऎरालदर? ई येसुस, नॆ निम्‍है गुसते मेर्ख़ा होतारस, एकासे नीम आसिन मेर्ख़ा काना ईरकादर, अन्नेम आस फिन बर'ओस।”