Popular Bible Verses from Lucas 21

ಶೇರ್

Pues sinelad changanés manguelando á Un‐debél andré saro chiros, pa que amolareis de chapescar sarias oconas buchías, sos perfiné sinar, y de sinar en pindré, anglal e Chabal e manu.

Diquelad pues por sangue, na sinele que jires carlés se cartrabelen de ingodinepen y de matipen, y de las canrias de ocona chipen: y que abillele de singo opré sangue ocola chibes.

Sar jiri orpachirima listrabareis jirias ochías.

Presas menda diñaré sangue mui y chaneleria, al que n’astisarelarán contrapenar, ni querelar jeró sares jires daschmanuces.

O Char ta la pu nacarán: tama minrias caremas na nacarán.

Y terelará simaches andré o Can, y andré a Chimutra, y andré as cherdillas; y andré la pu dajiralo de sueti en perpléjo; o Maçulotende y as gulas catabranando; N’astisarando os manuces chanisperar pre bausale de o dal y canguelo es buchías, sos opre‐abillarán á sari a surdan: presas as silas e Tarpe sinarán chalabeadas: Oclinde diquelarán al Chabal e manu abillar opré yeque aparáti sar sisla bari ta chimusolano.

Y sares solajarán á sangue pre minrio nao.

Y sinará bares pu‐chalabeos por os gaues, y nasalipenes, y boquises, y sinará buchías miratosas, y barias simaches e Charos.

Y pur junelareis chingaripenes y jestias, sangue na cangueleis: presas perfiné que ocono anaquele brotoboro, tama na sinará yescotria o terreplecó. Oclinde les penaba: Se surdinará sueti contra sueti, ta clajita contra clajita.

Y terelará simaches andré o Can, y andré a Chimutra, y andré as cherdillas; y andré la pu dajiralo de sueti en perpléjo; o Maçulotende y as gulas catabranando; N’astisarando os manuces chanisperar pre bausale de o dal y canguelo es buchías, sos opre‐abillarán á sari a surdan: presas as silas e Tarpe sinarán chalabeadas

Oclinde les penaba: Se surdinará sueti contra sueti, ta clajita contra clajita.

O penó: Diquelad, que na sineleis jojabados: presas baribustres abillarán andré minrio nao, penando: Menda sinelo, y o chiros sinela sunparal: aracateaos pues de chalar palal de ondolen.