Popular Bible Verses from Sailm Dhaibhidh 32

ಶೇರ್

Dhut teagaisgidh is seòlaidh mi am bealach is an t‑iùil, San tigeadh dhutsa triall gu ceart; sin seòlam dhut lem shùil.

Tha thu ad ionad falaich dhomh, nì coimhead orm o theinn; Is nìthear leat mo chuartachadh le òran saorsa binn.

Làn-fhoillsich mi mo pheacadh dhut, nìor cheil mi m'aingidheachd: Aidmheil (thuirt mi) do Dhia nì mis', is mhaith thu cron mo lochd.

'S beannaicht' an duine sin a fhuair na pheacadh maitheanas; A fhuair le tròcair falach air a chiont' is easaontas.

'S beannaicht' an tì nach agair Dia na sheachranan nas mò; Is ann a spiorad fòs nach eil claon-chealgaireachd no gò.

Seo fàth mun guidhe riut gach naomh, san àm am faighear thu: Gu dearbh an tuil nan uisgean mòr', cha ruig iad air gu dlùth.