Popular Bible Verses from Sailm Dhaibhidh 31

ಶೇರ್

Sibhse a chuir an Dia nan gràs ur dòchas mar as còir, Bibh misneachail, is cuiridh e neart ann ur crìdh' is treòir.

Tha m'aimsirean ad làimh-sa, Dhè; orm furtaich agus fòir O làimh mo naimhdean, is on dream tha leantainn orm an tòir.

Cia mheud de mhaith a thaisg thu dhaibh, don eagal thu faraon; 'S a rinn thu do na dh'earbas riut, am fianais chloinn nan daoin'!

Ach dhìotsa, Dhè, rinn mise bun; is tu mo Dhia, deir mis'.

Oir 's tu as carraig dhìleas dhomh 's mo dhaingneach làidir treun, Is uime sin, sgàth d'ainme, Dhè, treòraich, is stiùir mo cheum.

Ad làimh-sa mhàin, a Dhia nan dùl, mo spiorad tiomnam suas: A Dhia na fìrinn, is mo Thriath, 's tu dh'fhuasgail air mo chruas.

Gràdhaichibh Dia, O naoimh, air fad: oir Dia don treibhdhireach Do nì sàr-dhìon, is dìol gu pailt don uaibhreach àilgheasach.

Asadsa, Dhè, nì mise bun; nàir' orm na leig am feasd: Dèan fuasgladh dhomh ad ionracas, o thrioblaid is o cheist.