Popular Bible Verses from Jean 14

ಶೇರ್

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Fade mbi yeke hunda na Babâ ti tokua mbeni Wagbungo-koko na ala titene lo ngba na ala lakue lakue: lo yeke Yingo ti taa-tënë. Azo ti dunia so alingbi ti yamba lo pepe, ngbanga ti so ala baa lo pepe si ala hinga nga lo pepe. Me ti ala, ala hinga lo awe, ngbanga ti so lo yeke na ya ti ala si lo yeke na tere ti ala.

Ye so kue ala yeke hunda na iri ti mbi, fade mbi yeke sara ni si azo agonda Babâ na lege ti Molenge ni. Tongana ala hunda mbeni ye na iri ti mbi, fade mbi yeke sara ni.”

“Tongana ala ye mbi, fade ala yeke sara ye alingbi na andia ti mbi.

Ndo ti duti ayeke mingi na ya ti da ti Babâ ti mbi. Ndani laa, mbi tene na ala kozoni, mbi tene: ‘Mbi yeke gue ti leke ndo na ala.’ Tongana ye ni ayeke tongaso pepe, ka mbi tene na ala kozoni pepe.

Tongana mbi gue, mbi leke ndo na ala awe, fade mbi yeke kiri ti mu ala na tere ti mbi si ala nga, ala duti na ndo so mbi yeke duti daa.

Thomas atene na lo: “*Kota Gbia, e hinga ndo so mo yeke gue daa pepe. Fade e yeke hinga lege ni tongana nyen?”