Popular Bible Verses from Jean 13

ಶೇರ್

Mbi yeke mu na ala fini ndia: ala ye tere na popo ti ala! Alingbi ala ye tere na popo ti ala tongana ti so mbi ye ala. Tongana ala ye tere na popo ti ala, tongaso fade azo kue ahinga atene, ala yeke adisiple ti mbi.”

Mbi so mbi yeke Wafango-ye si mbi yeke nga Kota Gbia, mbi sukula gere ti ala, alingbi ala nga, ala sukula gere ti ala na popo ti ala. Mbi sara so ti fa na ala tapande titene ala nga, ala sara ye so mbi sara na ala.

Jésus akiri tënë na lo, atene: “Mo lingbi ti hinga fadeso nda ti ye so mbi yeke sara so pepe, me mo yeke hinga nda ni na peko.”

Biani, mbi tene na ala taa-tënë: zo ti kua ayeke kota ahon makonzi ti lo pepe; zo ti tokua ayeke kota ahon zo so atokua lo pepe.

Fadeso ala hinga ye ni awe. Ti ala nzoni tongana ala sara ye alingbi na ni!

Tongaso, lo londo na tere ti kobe ni, lo zi bongo ti lo ti ndö ni si lo mu mbeni bongo, lo kanga na ya ti lo. Na pekoni, lo tuku ngu na ya ti mbeni kota sembe, lo to nda ti sukula gere ti adisiple ti lo si lo mbo ni na bongo so lo kanga na ya ti lo so.