Popular Bible Verses from SIEMCHILBU 17

ಶೇರ್

Tualeh Abram kum Sawmkuo leh kuo ahi in Mangpa a kungah ahing kilah a, a kungah, “Kei Pasian Bangkimbawlthei.” Ka hi, ka masang ah pei inlen tualeh hoi bukim in um in.

Na min zong Abram ahinawn sihding a, hinanleh na min Abraham ahizaw tading hi, aziehpen nam tampite Pa in ka hing bawlta hi.

Tualeh Kei leh nang leh na nua a nahah nasuonte, suon sawn sawnte dongin zong ka thuhun pen nang ading leh na nua-a nahah nasuonte dinga a Pasian uh hiding in tangtawn thuhun dingin ka sukip ding hi.

“Ngaivawi, Keima’n ka thuhun na kungah kahung hi; Tualeh nangpen nam tampite Pa nahi ding, achi hi.

Tuachi’n Pasian in Abraham kungah, Hilou e, na zi Sarah in tapa hing hinpieh tahtah ding a, amin dingin Isak na hisah ding hi; tualeh ka thuhun khu ama leh ahahasuonte toh tangtawn thuhun dingin ka sukip ding.

Tualeh nang leh na nua a nahah nasuonte kungah mikhuol na hina gam, Kanaan gam zousie tangtawn gou dingin hing pevang in, tualeh keima a Pasian uh ka hi ding,” achi hi.

Tuachi’n Abraham khu akhupboh a, anui a, a lungsim in, mi kum za a upa in ta anei ding adiei? Tualeh Sarah, kum sawmkuo a upa in Ta ahing ding adiei?” achi hi.

Tualeh Pasian in Abraham kungah, “Na zi Sarai khu amin Sarai nachi nawnsih dinga, hinanleh amin Sarah a hizawta ding hi.

Tuachi’n natep vun uh tanva uchin, tuakhu kei leh nang kikaal a thuhun chiemtena ahi ding hi.

Hinanleh ka thuhun pen kumkia tuhun chienga, Sarah in ahing hinpieh ding Isak kungah ahi, ka suhkip ding, achi hi.

Tualeh nalah ua ni giet a upa pasal naupang pouma na hah nasuon sawn sawn dongin zong, na inn a pieng hiin, ahilouleh sum a kilei mikhuol hitaleh nahah nasuon pasal pouma nangma hahlesuon hilou zong tep tan ding ahi. Na inn a pieng leh sum a nalei zong tep tan tei tei ding ahi, tuachi’n ka thuhun khu tangtawn thuhun dingin nasa tung uah aumta ding hi.