Audio of the New Testaments and Psalms in Kurdish Sorani, © Bible Society in Lebanon, 2017 بە دەنگ پەرتووکی پیرۆز پەیمانی نوێ بە زمانی کوردی سۆرانی و زەبوورەکان. مافی چاپکردن و بەڵاوکردنەوەی پارێزراوە لە کۆمەڵگەی پەرتووکی پیرۆز لە لوبنان ٢٠١٧

پەیمانی نوێ و زەبوورەکان بە سۆرانی

زه‌وی و هه‌رچی تێدایه‌ هی په‌روه‌ردگاره‌. جیهان و هه‌موو دانیشتوانی.
چونكه‌ له‌سه‌ر ده‌ریاكان بناغه‌ی داناوه‌ و له‌سه‌ر ڕووباره‌كان جێگیری كردووه‌.

كێ‌ سه‌رده‌كه‌وێته‌ سه‌ر كێوی په‌روه‌ردگار؟ كێ‌ له‌ شوێنه‌ پارساكه‌ی ده‌وه‌ستێت؟
ئه‌وه‌ی ده‌ستپاک و دڵپاک بێت، ئه‌وه‌ی مه‌یلی ناڕوا نه‌كات و به‌ درۆ سوێند نه‌خوات.
له‌ په‌روه‌ردگاره‌وه‌ داڕشتی پێده‌گات، له‌ خودای ڕزگاریده‌ریشی بێتاوانكردن.
ئه‌مه‌یه‌ ئه‌و نه‌وه‌یه‌ی به‌دوای په‌روه‌ردگار ده‌گه‌ڕێت، ئه‌وه‌ی به‌دوای ڕووی تۆ ده‌گه‌ڕێت ئه‌ی خودای یاقوو. سیلاه‌.

ئه‌ی ده‌روازه‌كان سه‌ر هه‌ڵبڕن، ئه‌ی ده‌رگا جاویدانیه‌كان به‌رزببنه‌وه‌، تا پاشای شكۆمه‌ندی بێته‌ ژووره‌وه‌.
ئه‌م پاشای شكۆمه‌ندییه‌ كێیه‌؟ په‌روه‌ردگاری به‌هێز و ده‌سه‌ڵاتداره‌، په‌روه‌ردگاری قاره‌مان له‌ جه‌نگ.
ئه‌ی ده‌روازه‌كان سه‌ر هه‌ڵبڕن، ئه‌ی ده‌رگا جاویدانیه‌كان به‌رزبنه‌وه‌، تا پاشای شكۆمه‌ندی بێته‌ ژووره‌وه‌.
ئه‌م پاشای شكۆمه‌ندییه‌ كێیه‌؟ په‌روه‌ردگاری سوپاسالار پاشای شكۆمه‌ندییه‌. سیلاه‌.

Listen to په‌سنییه‌كان 24