របៀបចាប់ផ្តើមអានព្រះគម្ពីរគំរូ

សេចក្ដីកុហកដែលយើងជឿ —តើព្រះដែលខ្ញុំជឿ ជាព្រះប្រភេទណា ដែលអនុញ្ញាតឱ្យរឿងរ៉ាវទាំងនេះកើតឡើងនៅក្នុងជីវិតរបស់ខ្ញុំយ៉ាងដូច្នេះ? 
ចូរអនុវត្តសេចក្តីពិតរបស់ព្រះ —ខ្ញុំដឹងថាព្រះរបស់ខ្ញុំនឹងធ្វើអ្វីៗគ្រប់ទាំងអស់ សម្រាប់ការល្អ គឺដើម្បីឱ្យអស់អ្នកដែលស្រឡាញ់ទ្រង់ គឺអស់អ្នកដែលទ្រង់បានត្រាស់ហៅតាមបំណងព្រះហឫទ័យរបស់ព្រះអង្គ។ (រ៉ូម ៨:២៨)

សេចក្ដីកុហកដែលយើងជឿ — ខ្ញុំនឹងនៅតែដដែល (ពិបាកកែណាស់)។
ចូរអនុវត្តសេចក្តីពិតរបស់ព្រះ — ខ្ញុំអាចផ្លាស់ប្រែ ដោយព្រោះខ្ញុំនៅក្នុងព្រះគ្រីស្ទ។ មនុស្សចាស់ ឬអ្វីៗដែលជាអតីតកាលរបស់ខ្ញុំ វាកន្លងហួសអស់ហើយ ហើយអ្វីៗគ្រប់យ៉ាងកំពុងប្រែជាថ្មី នៅក្នុងខ្ញុំវីញ! (២ កូរិនថូស ៥:១៧)

ចូរគិតទៅលើពាក្យកុហកដែលអ្នកធ្លាប់បានជឿ។ ជាធម្មជាតិ ហើយបើនិយាយឱ្យត្រង់ទៅ វាពិតជា ងាយ ក្នុងការកំសាន្ដអារម្មណ៍របស់ខ្លួនយើង ជាមួយនឹងការភូតភរមួយចំនួន ដែលយើងធ្លាប់មាន ដោយសារតែសេចក្ដីកុហកនោះ វាធ្លាប់ជាផ្នែកមួយនៃរូបយើងទៅហើយ។ ប៉ុន្តែនេះមិនមែនជាអ្វីដែលព្រះសព្វព្រះទ័យបំផុត សម្រាប់ជីវិតរបស់យើងនោះទេ។ នៅពេលណា ដែលអ្នកចាប់ផ្ដើមសម្គាល់សេចក្ដីកុហកទាំងនោះ នោះអ្នកកំពុងតែទៅដល់ពាក់កណ្ដាលទីនៃភាពជោគជ័យហើយ។ ព្រះបានប្រទានព្រះបន្ទូលរបស់ព្រះអង្គ មកដល់រូបយើង ដើម្បីឱ្យយើងអាចស្គាល់សេចក្តីពិត ពីព្រោះសេចក្ដីនោះគឺជា សេចក្តីពិតរបស់ព្រះអង្គ ដែលអាចជួយរំដោះឱ្យយើងមានសេរីភាព។ 

ចូរបោះជំហានចូលទៅកាន់ជីវិតនៃមនុស្សដែលមានជ័យជម្នះ ដូចអ្វីព្រះអង្គសព្វព្រះទ័យផ្ដល់ដល់យើង ហើយចូរអនុវត្ដអំណាចចេស្ដា ដែលនាំឱ្យមានជីវិត ផ្ដល់ក្ដីសង្ឃឹម និងអាចទាត់អារក្សបាន តាមរយៈព្រះបន្ទូលរបស់ព្រះអង្គ។  

ចូរជញ្ជឹងគិត

• តើអ្នកពិតជាអនុវត្តតាមអ្វីដែលអ្នកបានអាននៅក្នុងព្រះគម្ពីរ ដែរឬទេ? ឬក៏អ្នកអនុញ្ញាតឱ្យមានការសន្ទនា ផ្ដោះផ្ដង តវ៉ា ហើយដកហូតសមត្ថភាពរបស់អ្នក ក្នុងការអនុវត្តតាមព្រះបន្ទូលនោះ?
• តើអ្វីជាបញ្ហាប្រឈមដ៏លំបាកបំផុត ដែលអ្នកកំពុងជួបប្រទះនាពេលឥឡូវនេះ? ចូរចំណាយពេលខ្លះ ដើម្បីស្រាវជ្រាវរកខព្រះគម្ពីរ ដែលនឹងជួយដល់អ្នក ឱ្យអ្នកអាចអនុវត្តសេចក្តីពិតរបស់ព្រះ ដើម្បីជាប្រយោជន៍ឱ្យអ្នកអាចដើរនៅក្នុងជ័យជម្នះ។