Ifyakutaŋga 5
5
1Ili libuku lyafitentekwa fyakwe Adama.
Akasuŵa ako ŵaleŋgele umuntu ŵaLesa, ŵalimuŵumbile necipasyo caŵaLesa; 2ŵaliŵaleŋgele nemwalalume nemwanakasi; nekuŵasyucisya, nekuŵelike'sina lyaŵo ati Ŵantu, akasuŵa ako waleŋgelwe.
3Popele Adama aliikele imyaka umwanda nemyaka amakumi atatu peulu, eli aŋgafyalo'mwana, umupalile, koti cipasyo cakwe; nekumwilike'sina lyakwe ati niSeti: 4popele insiku syakwe Adama, ukufuma pali kako amufyele Seti, syalikumene imyaka imyanda isanu naitatu: kaŵili alifyele aŵana aŵalalume neŵanakasi. 5Popele insiku syonse'syo isi aikele nemweo Adama, syalikumene imyaka imyanda isanu naine nemyaka amakumi atatu peulu: popele alifwile.
6Popele Seti aliikele imyaka umwanda umo nemyaka isanu peulu, eli aŋgafyala Enosi: 7popele Seti, ukufuma kumpindi iyo afyele Enosi, aliikele nemweo imyaka imyanda isanu naitatu nemyaka isanu naiŵili peulu, nekulukufyala aŵana aŵalalume neŵanakasi. 8Popele insiku syakwe Seti syonse syalikumene imyaka imyanda isanu naine nemyaka ikumi naiŵili peulu: naye alifwile.
9Popele Enosi ali ikele imyaka amakumi asanu naane, eli aŋgafyala Kainani. 10Popele Enosi, ukufuma kumpindi iyo afyele Kainani, aliikele nemweo imyaka imyanda isanu naitatu nemyaka ikumi naisanu peulu, nekulukufyala aŵana aŵalalume neŵanakasi. 11Popele insiku syakwe Enosi syonse syalikumene imyaka imyanda isanu naine nemyaka isanu peulu: naye alifwile.
12Popele Kainani aliikele imyaka amakumi asanu naaŵili, eli aŋgafyala Mayalaleli. 13Popele Kainani ukufuma kumpindi iyo afyele Mayalaleli, ali ikele nemweo imyaka imyanda isanu naitatu nemyaka amakumi ane peulu, nekulukufyala aŵana aŵalalume neŵanakasi. 14Popele insiku syakwe Kainani syonse syalikumene imyaka imyanda isanu naine nemyaka ikumi peulu: naye alifwile.
15Popele Mayalaleli aliikele imyaka amakumi asanu nalimo nemyaka isanu peulu, eli aŋgafyala Yaledi. 16Popele Mayalaleli, ukufuma kumpindi iyo afyele Yaledi, aliikele nemweo imyaka imyanda isanu naitatu nemyaka amakumi atatu peulu, nekulukufyala aŵana aŵalalume neŵanakasi. 17Popele insiku syakwe Mayalaleli syonse syalikumene imyaka imyanda isanu naitatu nemyaka amakumi asa nu naane nemyaka isanu peulu: naye alifwile.
18Popele Yaledi aliikele imyaka umwanda umo nemyaka amakumi asanu nalimo nemyaka iŵili peulu, eli aŋgafyala Enoci. 19Popele Yaledi, ukufuma kumpindi iyo afyele Enoci, aliikele nemweo imyaka imyanda isanu naitatu, nekulukufyala aŵana aŵalalume neŵanakasi. 20Popele insiku syakwe Yaledi syonse syalikumene imyaka imyanda isanu naine nemyaka amakumi asanu nalimo nemyaka iŵili peulu: naye alifwile.
21Popele Enoci aliikele imyaka amakumi asanu nalimo nemyaka isanu peulu, eli aŋgafyala Metusela. 22Kaŵili, ukufuma kumpindi iyo afyele Metusela, Enoci waliendele pamo naŵaLesa imyaka imyanda itatu, nekulukufyala aŵana aŵalalume neŵanakasi. 23Popele insiku syakwe Enoci syonse syalikumene imyaka imyanda itatu nemyaka amakumi asanu nalimo nemyaka isanu peulu. 24Popele Enoci walukwenda naŵaLesa; lomba naye taa-po, pakuti ŵaLesa ŵalimupokele.
25Popele Metusela aliikele imyaka umwanda umo nemakumi asanu naatatu nemyaka isanu naiŵili peulu, eli aŋgafyala Lameci. 26Popele Metusela, ukufuma kumpindi iyo afyele Lameci, aliikele nemweo imyaka imyanda isanu naiŵili nemyaka amakumi asanu naatatu nemyaka iŵili peulu, nekulukufyala aŵana aŵalalume neŵanakasi. 27Popele insiku syakwe Metusela syonse syalikumene imyaka imyanda isanu naine nemyaka amakumi asanu nalimo nemyaka isanu naine peulu: naye alifwile.
28Popele Lameci waliikele imyaka umwanda umo nemakumi asa nu naatatu nemyaka iŵili peulu, eli aŋgafyalo'mwana umwalalume; nekumwilike'sina lyakwe ati niNoa, ili alaŵile ati: 29Uyu wopele eukatusaŋgalasya pakuti pamilimo yesu nekupyuŋga kwakuminwe yesu, pakuti pamusili uyu ŵafinjile ŵaYawe. 30Popele Lameci, ukufuma kumpindi iyo afyele Noa, aliikele nemweo imyaka imyanda isanu nemakumi asanu naane nemyaka isanu peulu, nekulukufyala aŵana aŵalalume neŵanakasi. 31Popele insiku syakwe Lameci syonse syalikumene imyaka imyanda isanu naiŵili nemakumi asanu naaŵili nemyaka isanu naiŵili peulu; naye alifwile.
32Popele imyaka yakwe Noa yalikumene imyanda isanu; naye Noa walifyele Syemi naYamu naYafeti.
ទើបបានជ្រើសរើសហើយ៖
Ifyakutaŋga 5: AAL59
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lamba Bible Version © United Bible Societies, 1959.