រ៉ូម 1:8-12 ជាបឋម ខ្ញុំសូមអរព្រះ‌គុណព្រះ‌ជា‌ម្ចាស់របស់ខ្ញុំ តាមរយៈព្រះ‌យេស៊ូ‌គ្រិស្ត* ព្រោះតែបងប្អូនទាំងអស់គ្នា ដ្បិតគេតំណាលអំពីជំនឿរបស់បងប្អូនក្នុងសកលលោកទាំងមូល។ ព្រះ‌ជា‌ម្ចាស់ដែលខ្ញុំ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

រ៉ូម 1:8-12 គខប

ជាបឋម ខ្ញុំសូមអរព្រះ‌គុណព្រះ‌ជា‌ម្ចាស់របស់ខ្ញុំ តាមរយៈព្រះ‌យេស៊ូ‌គ្រិស្ត* ព្រោះតែបងប្អូនទាំងអស់គ្នា ដ្បិតគេតំណាលអំពីជំនឿរបស់បងប្អូនក្នុងសកលលោកទាំងមូល។ ព្រះ‌ជា‌ម្ចាស់ដែលខ្ញុំគោរពបម្រើយ៉ាងស្មោះដោយប្រកាសដំណឹង‌ល្អ*អំពីព្រះ‌បុត្រារបស់ព្រះអង្គ ព្រះអង្គធ្វើជាសាក្សីស្រាប់ហើយថា ខ្ញុំតែងតែនឹកគិតដល់បងប្អូនជានិច្ច គ្រប់ពេលខ្ញុំអធិស្ឋាន* សូមព្រះអង្គប្រទានឲ្យខ្ញុំមានឱកាសមកសួរសុខទុក្ខបងប្អូន បើព្រះអង្គសព្វព្រះ‌ហឫទ័យ។ ខ្ញុំមានបំណងចង់ជួបមុខបងប្អូនយ៉ាងខ្លាំង ដើម្បីចែកព្រះ‌អំណោយទានណាមួយរបស់ព្រះ‌វិញ្ញាណជូនបងប្អូន ឲ្យបងប្អូនបានមាំ‌មួនឡើង គឺថា ពេលយើងនៅជាមួយគ្នា យើងលើកទឹកចិត្តគ្នាទៅវិញទៅមក ដោយជំនឿដែលយើងមានរួមគ្នា ទាំងបងប្អូនទាំងខ្ញុំ។

អាន រ៉ូម 1

ស្ដាប់នូវ រ៉ូម 1