ទំនុកតម្កើង 27:1-5 ព្រះ‌អម្ចាស់ជាពន្លឺ និងជាព្រះ‌សង្គ្រោះខ្ញុំ ខ្ញុំមិនភ័យខ្លាចនរណាឡើយ! ព្រះ‌អម្ចាស់ជាទីជម្រករបស់ជីវិតខ្ញុំ ខ្ញុំក៏មិនតក់‌ស្លុតចំពោះនរណាដែរ។ ពេលពួកអ្នកប្រព្រឹត្តអាក្រក់ គឺបច្ចា | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ទំនុកតម្កើង 27:1-5 គខប

ព្រះ‌អម្ចាស់ជាពន្លឺ និងជាព្រះ‌សង្គ្រោះខ្ញុំ ខ្ញុំមិនភ័យខ្លាចនរណាឡើយ! ព្រះ‌អម្ចាស់ជាទីជម្រករបស់ជីវិតខ្ញុំ ខ្ញុំក៏មិនតក់‌ស្លុតចំពោះនរណាដែរ។ ពេលពួកអ្នកប្រព្រឹត្តអាក្រក់ គឺបច្ចា‌មិត្ត និងខ្មាំងសត្រូវរបស់ខ្ញុំ នាំគ្នាចូលមកជិត ដើម្បីរកប្រហារជីវិតខ្ញុំ អ្នកទាំងនោះបែរជាត្រូវជំពប់ដួលទៅវិញ។ ប្រសិនបើមានកង‌ទ័ពមកឡោម‌ព័ទ្ធខ្ញុំ ក៏ចិត្តខ្ញុំមិនភ័យខ្លាចអ្វីដែរ ប្រសិនបើមានគេលើកគ្នាមកច្បាំងនឹងខ្ញុំ ក៏ខ្ញុំនៅតែសង្ឃឹមទុកចិត្តលើព្រះ‌ជាម្ចាស់ជានិច្ច។ ខ្ញុំទូលសូមព្រះ‌អម្ចាស់នូវសេចក្ដីតែមួយគត់ ហើយខ្ញុំប្រាថ្នាចង់បានតែសេចក្ដីនេះឯង គឺឲ្យបានស្នាក់នៅក្នុងព្រះ‌ដំណាក់ របស់ព្រះ‌អម្ចាស់អស់មួយជីវិត ដើម្បីកោតស្ញប់‌ស្ញែងភាពថ្កុំ‌ថ្កើងរុងរឿង របស់ព្រះ‌អម្ចាស់ និងថ្វាយ‌បង្គំព្រះអង្គនៅក្នុងព្រះ‌វិហារ ដ្បិតនៅពេលខ្ញុំមានអាសន្ន ព្រះអង្គតែងឲ្យខ្ញុំជ្រកក្នុងជម្រករបស់ព្រះអង្គ ព្រះអង្គតែងលាក់បំពួនខ្ញុំនៅក្នុងព្រះ‌ពន្លា ព្រះអង្គលើកខ្ញុំដាក់នៅលើថ្ម‌ដា។

អាន ទំនុកតម្កើង 27

ស្ដាប់នូវ ទំនុកតម្កើង 27