ម៉ាថាយ 27:3-10 កាលយូដាសជាអ្នកដែលនាំគេមកចាប់ព្រះ‌យេស៊ូ ឃើញគេកាត់ទោសព្រះអង្គដូច្នេះ គាត់សោក‌ស្ដាយជាខ្លាំង ក៏យកប្រាក់សាម‌សិបស្លឹងទៅប្រគល់ឲ្យពួកនាយកបូជា‌ចារ្យ* និងពួកព្រឹទ្ធា‌ចារ្យ*វិញ ទាំង | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ម៉ាថាយ 27:3-10 គខប

កាលយូដាសជាអ្នកដែលនាំគេមកចាប់ព្រះ‌យេស៊ូ ឃើញគេកាត់ទោសព្រះអង្គដូច្នេះ គាត់សោក‌ស្ដាយជាខ្លាំង ក៏យកប្រាក់សាម‌សិបស្លឹងទៅប្រគល់ឲ្យពួកនាយកបូជា‌ចារ្យ* និងពួកព្រឹទ្ធា‌ចារ្យ*វិញ ទាំងពោលថា៖ «ខ្ញុំបានប្រព្រឹត្តអំពើបាប ព្រោះខ្ញុំបានបញ្ជូនមនុស្សឥតទោសទៅឲ្យគេបង្ហូរឈាម»។ ពួកគេឆ្លើយថា៖ «រឿងនេះគ្មានទាក់ទងអ្វីនឹងយើងទេ ជារឿងរបស់អ្នកទេតើ!»។ យូដាសបាចប្រាក់នោះនៅក្នុងព្រះ‌វិហារ* ហើយចេញទៅចងកសម្លាប់ខ្លួន។ ពួកនាយកបូជា‌ចារ្យរើសប្រាក់នោះ ទាំងពោលថា៖ «យើងគ្មានច្បាប់នឹងបញ្ចូលប្រាក់នេះទៅក្នុងហិបតង្វាយឡើយ ព្រោះជាប្រាក់បង់ថ្លៃឈាម »។ ក្រោយពីបានពិភាក្សាគ្នាហើយ គេក៏យកប្រាក់នោះទៅទិញដីចម្ការរបស់ជាងស្មូន ទុកធ្វើជាកន្លែងបញ្ចុះសពជនបរទេស។ ហេតុនេះហើយបានជាគេហៅចម្ការនោះថា «ចម្ការឈាម» រហូតមកទល់សព្វថ្ងៃ។ ហេតុ‌ការណ៍នេះកើតឡើង ស្របនឹងសេចក្ដីដែលមានចែងទុក តាមរយៈព្យាការី*យេរេមាថា៖ «គេបានយកប្រាក់សាម‌សិបស្លឹង ជាប្រាក់ដែលជន‌ជាតិអ៊ីស្រា‌អែលសន្មតថា ជាថ្លៃទិញលោកនោះ ហើយគេបានយកប្រាក់នោះទៅទិញចម្ការរបស់ជាងស្មូន ដូចព្រះ‌អម្ចាស់បង្គាប់មកខ្ញុំ» ។

អាន ម៉ាថាយ 27

ស្ដាប់នូវ ម៉ាថាយ 27