ហេប្រឺ 4:4-12 ដ្បិតមានចែងទុកត្រង់វគ្គមួយស្ដីអំពីថ្ងៃទីប្រាំ‌ពីរថាៈ ព្រះ‌ជាម្ចាស់បង្ហើយកិច្ចការទាំងអស់នៅថ្ងៃទីប្រាំ‌ពីរ រួចព្រះអង្គក៏សម្រាក ។ ក្នុងអត្ថ‌បទគម្ពីរខាងលើនេះមានចែងសាជាថ្មី | ព្រះគម្ពីរភាសាខ្មែរបច្ចុប្បន្ន ២០០៥ (គខប)

ហេប្រឺ 4:4-12 គខប

ដ្បិតមានចែងទុកត្រង់វគ្គមួយស្ដីអំពីថ្ងៃទីប្រាំ‌ពីរថាៈ ព្រះ‌ជាម្ចាស់បង្ហើយកិច្ចការទាំងអស់នៅថ្ងៃទីប្រាំ‌ពីរ រួចព្រះអង្គក៏សម្រាក ។ ក្នុងអត្ថ‌បទគម្ពីរខាងលើនេះមានចែងសាជាថ្មីថា: «ពួកគេនឹងមិនបានចូលទៅសម្រាកជាមួយយើងជាដាច់ខាត»។ ព្រះ‌ជាម្ចាស់បានតម្រូវឲ្យអ្នកខ្លះចូលទៅសម្រាក ក៏ប៉ុន្តែ ដោយអស់អ្នកដែលទទួលដំណឹង‌ល្អពីមុនមិនបានចូល ព្រោះគេមិនស្ដាប់បង្គាប់ ព្រះអង្គក៏កំណត់យក“ថ្ងៃនេះ”មួយទៀត គឺព្រះអង្គមានព្រះ‌បន្ទូលតាមរយៈព្រះ‌បាទដាវីឌជាយូរអង្វែងក្រោយមកទៀត ដូចមានចែងទុកនៅខាងលើនេះស្រាប់ថា: «ថ្ងៃនេះ ប្រសិនបើអ្នករាល់គ្នាឮព្រះ‌សូរសៀងរបស់ព្រះអង្គ មិនត្រូវមានចិត្តរឹង‌រូសឡើយ»។ ប្រសិនបើលោកយ៉ូស្វេនាំប្រជា‌រាស្ដ្រឲ្យបានសម្រាកមែន ក្រោយមកទៀតនោះ ព្រះ‌ជាម្ចាស់មុខជាពុំមានព្រះ‌បន្ទូលអំពីថ្ងៃមួយផ្សេងទៀតឡើយ។ ដូច្នេះ ព្រះ‌ជាម្ចាស់បានតម្រូវទុកឲ្យមានថ្ងៃសម្រាកមួយទៀត សម្រាប់ប្រជា‌រាស្ដ្ររបស់ព្រះអង្គ ដូចព្រះអង្គសម្រាកនៅថ្ងៃទីប្រាំ‌ពីរដែរ ដ្បិតអ្នកណាចូលទៅសម្រាកជាមួយព្រះ‌ជាម្ចាស់ អ្នកនោះបានបង្ហើយកិច្ចការ របស់ខ្លួន ដូចព្រះ‌ជាម្ចាស់បង្ហើយកិច្ចការរបស់ព្រះអង្គដែរ។ ហេតុនេះ យើងត្រូវតែខ្នះ‌ខ្នែងចូលទៅរកសម្រាកជាមួយព្រះអង្គនោះវិញ កុំឲ្យមាននរណាម្នាក់ធ្លាក់ខ្លួនទៅយកតម្រាប់តាមពួកអ្នកដែលមិនស្ដាប់បង្គាប់នោះឡើយ ដ្បិតព្រះ‌បន្ទូលរបស់ព្រះ‌ជាម្ចាស់ជាព្រះ‌បន្ទូលដ៏មានជីវិត និងមានមហិទ្ធិ‌ឫទ្ធិមុតជាងដាវមុខពីរទៅទៀត។ ព្រះ‌បន្ទូលនេះចាក់ទម្លុះចូលទៅកាត់ព្រលឹង និងវិញ្ញាណដាច់ចេញពីគ្នា កាត់សន្លាក់ឆ្អឹង និងខួរឆ្អឹងចេញពីគ្នា។ ព្រះ‌បន្ទូលវិនិច្ឆ័យឆន្ទៈ និងគំនិតនៅក្នុងជម្រៅចិត្តមនុស្ស។

អាន ហេប្រឺ 4

ស្ដាប់នូវ ហេប្រឺ 4