កិច្ចការ 13:22-25 ក្រោយពីបានដករាជ្យពីព្រះ‌បាទសូល ព្រះ‌ជាម្ចាស់ប្រទានឲ្យព្រះ‌បាទដាវីឌឡើងគ្រងរាជ្យ។ ព្រះអង្គប្រទានសក្ខីភាពអំពីព្រះ‌បាទដាវីឌនេះថា: “យើងរកបានមនុស្សម្នាក់ជាទីគាប់ចិត្តយើងណាស់ គ | ព្រះគម្ពីរភាសាខ្មែរបច្ចុប្បន្ន ២០០៥ (គខប)

កិច្ចការ 13:22-25 គខប

ក្រោយពីបានដករាជ្យពីព្រះ‌បាទសូល ព្រះ‌ជាម្ចាស់ប្រទានឲ្យព្រះ‌បាទដាវីឌឡើងគ្រងរាជ្យ។ ព្រះអង្គប្រទានសក្ខីភាពអំពីព្រះ‌បាទដាវីឌនេះថា: “យើងរកបានមនុស្សម្នាក់ជាទីគាប់ចិត្តយើងណាស់ គឺដាវីឌជាបុត្ររបស់អ៊ីសាយ ដ្បិតដាវីឌនឹងបំពេញតាមបំណងទាំងប៉ុន្មានរបស់យើង”។ ក្នុងព្រះ‌រាជ‌វង្សរបស់ព្រះ‌បាទដាវីឌនេះហើយ ដែលព្រះ‌ជាម្ចាស់ប្រទានឲ្យព្រះ‌យេស៊ូកើតមក និងធ្វើជាព្រះ‌សង្គ្រោះរបស់ជន‌ជាតិអ៊ីស្រា‌អែល ស្របតាមព្រះ‌បន្ទូលសន្យារបស់ព្រះអង្គ។ មុននឹងព្រះ‌យេស៊ូយាងមកដល់ លោកយ៉ូហានបានប្រកាសឲ្យជន‌ជាតិអ៊ីស្រា‌អែលទាំងមូលកែប្រែចិត្តគំនិត ដោយទទួលពិធីជ្រមុជទឹក។ ពេលលោកយ៉ូហានបំពេញមុខងាររបស់លោកចប់សព្វគ្រប់ហើយ លោកមានប្រសាសន៍ថា: “ខ្ញុំនេះមិនមែនជាអ្នកដែលបងប្អូនទន្ទឹងរង់‌ចាំនោះទេ។ ឥឡូវនេះ មានលោកម្នាក់មកតាមក្រោយខ្ញុំ លោកមានឋានៈខ្ពង់‌ខ្ពស់ណាស់ បើខ្ញុំស្រាយខ្សែស្បែកជើងជូនលោក ក៏មិនសមនឹងឋានៈរបស់លោកផង”។

អាន កិច្ចការ 13

ស្ដាប់នូវ កិច្ចការ 13