១ កូរិនថូស 12:4-11 មានព្រះ‌អំណោយទានផ្សេងៗពីគ្នា តែមានព្រះ‌វិញ្ញាណតែមួយព្រះអង្គទេ ដែលប្រទានឲ្យ។ មានមុខងារផ្សេងៗពីគ្នា តែយើងបម្រើព្រះ‌អម្ចាស់តែមួយព្រះអង្គដដែល។ មានសកម្ម‌ភាពផ្សេងៗពីគ្នា តែមានព | ព្រះគម្ពីរភាសាខ្មែរបច្ចុប្បន្ន ២០០៥ (គខប)

១ កូរិនថូស 12:4-11 គខប

មានព្រះ‌អំណោយទានផ្សេងៗពីគ្នា តែមានព្រះ‌វិញ្ញាណតែមួយព្រះអង្គទេ ដែលប្រទានឲ្យ។ មានមុខងារផ្សេងៗពីគ្នា តែយើងបម្រើព្រះ‌អម្ចាស់តែមួយព្រះអង្គដដែល។ មានសកម្ម‌ភាពផ្សេងៗពីគ្នា តែមានព្រះ‌ជាម្ចាស់តែមួយព្រះអង្គទេ ដែលបំពេញសកម្ម‌ភាពទាំងនោះ នៅក្នុងមនុស្សទាំងអស់។ ព្រះ‌វិញ្ញាណប្រោសប្រទានឲ្យម្នាក់ៗសម្តែងព្រះ‌អំណោយទាន ដើម្បីជាប្រយោជន៍រួម គឺព្រះអង្គប្រទានឲ្យម្នាក់ចេះនិយាយប្រកបដោយប្រាជ្ញា ហើយព្រះ‌វិញ្ញាណដដែលប្រទានឲ្យម្នាក់ទៀតចេះនិយាយ ដោយយល់គម្រោង‌ការដ៏លាក់កំបាំងរបស់ព្រះ‌ជាម្ចាស់។ ព្រះ‌វិញ្ញាណដដែលប្រទានឲ្យម្នាក់ទៀតមានជំនឿ ព្រះ‌វិញ្ញាណដដែលប្រទានឲ្យម្នាក់ទៀតចេះប្រោសមនុស្សឲ្យជាពីជំងឺ ឲ្យម្នាក់ទៀតចេះធ្វើការអស្ចារ្យ ឲ្យម្នាក់ទៀតចេះថ្លែង*ព្រះ‌បន្ទូល ឲ្យម្នាក់ទៀតចេះស្ទង់មើលវិញ្ញាណល្អ ឬអាក្រក់ ឲ្យម្នាក់ទៀតចេះនិយាយភាសាចម្លែកអស្ចារ្យ* ឲ្យម្នាក់ទៀតចេះបកប្រែន័យភាសាទាំងនោះ ប៉ុន្តែ មានព្រះ‌វិញ្ញាណតែមួយដដែល ដែលបំពេញសកម្ម‌ភាពទាំងអស់ ហើយប្រទានឲ្យម្នាក់ៗមានព្រះ‌អំណោយទានផ្សេងៗពីគ្នា តាមព្រះ‌ហឫទ័យរបស់ព្រះអង្គ។

អាន ១ កូរិនថូស 12

ស្ដាប់នូវ ១ កូរិនថូស 12