Juan 6:11-12

Yecuöquenu ocönque Jesús inu niecaju pöntzi, hua cuöc ye tietlasojcömatelejque Deus, quenxiexelfejque giente tli ye motlölejtaya. Hua ejqueu nuyejque oquechijque ca mimechte, hua giente otlacuajque hasta cöne yejua ayecmo quenequeya. Hua cuöc yejua ye oijixbeque Jesús oquenmelfejque tiemachtejcöhua: ―Xecuejcuecö tli ococotocac, majcamo tli niempolebe.