Gn 6
6
Li xmaa'usilaleb' li winq ut li ixq
1Naq ke'ok chi k'ihank li poyanam sa' ruuchich'och', kilaje'wank xrab'ineb'. 2Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'. 3Toja' naq kixye li Qaawa': “Ink'a' chik taawanq chi junajwa linmusiq' rik'ineb' li winq xb'aan naq yal tib'elejeb'. Ka'ajaq aj chik waqk'aal (120) chihab' li xyu'ameb'”.
4Sa'eb' li kutan a'an, ut moqon ajwi', ke'wank winq ninqeb' roq sa' ruuchich'och',#6,4 Nm 13,33; Sab 14,6; Bar 3,26-28. naq eb' li ralal li Yos neke'wank rik'in li xrab'ineb' li winq ut eb' a'in neke'wank xkok'aleb': a'aneb' li winq q'axal kaweb' rib' ut nawno ruheb' najter q'e kutan.
5Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb'; 6jo'kan naq ra kireek'a li Qaawa' naq kixyoob'tesi li winq sa' ruuchich'och', ut kijosq'o'k sa' xch'ool: 7“Tinsach ruheb' sa' xb'een li ruuchich'och' chixjunileb' li winq xinyoob'tesi: li winq jo' ajwi' li ketomq, eb' li xul neke'xjukuki rib' sa' ch'och' ut eb' li neke'rupupik chiru choxa. Nayot'e'k linch'ool naq xeb'inyoob'tesi”, chan li Yos.
8Ab'anan laj Noé usilal kixtaw rik'in li Qaawa'.#6,5-8 Mt 24,37; Lk 17,26; 1 P 3,20.
Laj Noé ut li jukub' kab'l
9A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.#6,9 Eklo 44,17; Sab 10,4; 2 P 2,5. 10Laj Noé kiwank oxib' li ralal: laj Sem, laj Kam ut laj Jafet.
11Li Yos kixk'e reetal naq oso'jenaq sa' li maak li ruuchich'och' ut numtajenaq li xmaa'usilaleb'. 12Li Yos kiril li ruuchich'och' ut kixk'e reetal naq yib'eetal aj chik ru, xb'aan naq chixjunileb' li tenamit junes li maa'usilal neke'xb'aanu sa' ruuchich'och'. 13Jo'kan naq kixye re laj Noé: “Twaj tinsach ruheb' chixjunileb': xmaakeb' a'an naq li ruuchich'och' xnujak chi raaxiik'. Jo'kan naq teb'insach ru; tinsach ajwi' chixjunil li ruuchich'och'. 14Taayiib' junaq aajukub' kab'l rik'in li che' wank xq'ol. Taayiib' li jukub' kab'l chi tz'ulb'il ut taab'on rik'in b'etuun chisa' ut chirix. 15Jo'ka'in naq taayiib': oxib' ro'k'aal (83) moqoj roq li jukub' kab'l taak'e; li ru a'an kaalaju moqoj ut li xteram waqxaqib' moqoj. 16Taayiib' xb'een li jukub' kab'l ut taaterq'usi wiib'aq k'utub' li xteram. Taak'e li okeb'aal chi xk'atq ut taayiib' li xb'een, xkab' ut rox k'ojar. 17Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q. 18Ab'anan aawik'in tink'ojob' jun sumwank: tat-ok laa'at sa' li jukub' kab'l aawochb'eeneb' laawalal, laawixaqil ut eb' laawalib'. 19Taawoksiheb' sa' li jukub' kab'l junq sumalaq li junjunq paay chi xul re naq te'kole'q aawochb'een; teelom ut ixq naq taawoksiheb'. 20Jun sumalaq li junjunq chi xul li neke'rupupik, jun sumalaq li jar paay chi ketomq, jun sumalaq li junjunq chi xul neke'xjukuki rib' chiru ch'och' te'ok aawochb'een re naq te'kole'q. 21Taach'utub' ut taak'uula chixjunil li k'a'aq chi tzekemqil re naq taak'anjelaq cho'q eewa laa'ex ut xwaheb' ajwi' li xul”, chan li Yos.
22Laj Noé kixb'aanu chixjunil a'in ut kixpaab' chixjunil li kitaqlaak wi' xb'aan li Yos.#6,22 Heb 11,7.
ទើបបានជ្រើសរើសហើយ៖
Gn 6: QQC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Q'eqchi DC Bible © Bible Society in Guatemala, 2005.