एप्पा चोङ्सा नेॽचिरामि चिनारि
नेॽचिरामि चिनारि
“एप्पा चोङ्सा एप्पा चोङ्साजिमि योम्बोक” लुमे इगो नेॽचिरासो लुकाडे़ॽनोॽ साप्पॽआ ले़ये। इगो नेॽचिराबेॽ थाङ्सिरिॽटुरा पबित्रा होङ्निवा (पेन्तिकोस) येसुमि एप्पा चोङ्साजिबेॽ लेन्नुङ ए़क्साङ खोजिडे़ॽ “यरुसलेमबेॽ, यहुदियाबेॽ, सामरियाबेॽ मोबा मक्खाम्डेमबेॽहा चोपराजि” येसुमि सुसमाचार परचार ले़ःॽपॽआ खानुङ पावल एप्पा चोङ्साडे़ॽ ले़ःॽपॽआ सुसमाचारमि टुम्बेॽसो टुहा। खोमि याक्लोए नेॽचिराबेॽडोक्नोॽ इगो नेॽचिराबेॽसो येसु खिरिस्टमि टुम्बेॽहा सुसमाचारमि खा साप्मिटुहा।
इगो लुका याॽमि सिरिया देसमि एन्टिओखिया सहरबेॽए ले़टे़। पावल इगो सहरबेॽ पेम्माबेॽनोॽ लुकानुङ चुप्पॽआ ले़टाजे होला मिॽइन्डुजे। इन्ढोङ्होङ पावल रोम खे़ॽमाबेॽ लुकासो खोनुङ सोरि खे़ॽपॽआ ले़टे़।
इगो नेॽचिरा इस्बि सम्बत ६० नुङ ६५ मि रुम्बेॽ साप्पॽआ ले़टे़ लुनुङ बेॽलो निवादाङ्बाजिडे़ॽ लुन्डुजे। इडोक्पेॽ एप्पा चोङ्सा पावल रोम सहरबेॽ खे़ॽनुङ खोमि टुम्बेॽ सिॽपॽआ मुद्दमि फसेला हुङ्साङ पेम्मे़ॽनिङ्सिडे़। “रोम सहर हागोए इटालि देसमि हाङ्डेम ले़ये।” रोम सहर मो बेलाबेॽ बेॽए सहर ले़टे़। मोडोक्पेॽ बेॽहा बेॽहा रोमिजिडे़ॽ “इगो खिरिस्टियान धरम इन्डोक्मा धरमडे, इगो हाम्बाङ लेस्से़” लुनुङ सिम्मे़ॽनिङ्सिडुजे। मोडोगे़ॽ इगो नेॽचिराबेॽ लुकाडे़ॽ खिरिस्टियानजिमि टुम्बेॽ, येसु असा ले़टे़, खोमि सुसमाचार यरुसलेमबाङ रोमठोक इन्डोॽ लेस्से़ लुमे खामि टुम्बेॽ लुनुङ थियोफिलस लुमे़ याॽमि साप्हाङ्इटुए।
इगो नेॽचिरा “पबित्रा होङ्निवामि योम्बोकसो” लुन्डुजे। इन्ढोङ्होङ एप्पा चोङ्साजिडे़ॽ ले़ःॽपॽआ योम्बोक पबित्रा होङ्निवामि अनुग्रहानुङ बोलबाङ ले़ःॽपॽआ ले़टे़।
नेॽचिरामि बिसय सुचि
१. साक्छि पोरोक्पॽआ १:१-२६
क) येसुमि ए़क्साङ्ए आग्यानुङ चुप्लाङ १:१-१४
ख) यहुदा इस्करियोतमि साटोबेॽ से़म्बॽआ चोङ्सा १:१५-२६
२. यरुसलेमबेॽ साक्छि २:१–८:३
३. यहुदियानुङ सामरियाबेॽ साक्छि ८:४–१२:२५
४. पावलमि परचार १३:१–२८:३१
५. पावलमि याक्लोएखेॽमा परचार १३:१–१४:२८
६. यरुसलेमबेॽ सुम्बॽआ १५:१-३५
७. पावलमि ए़क्साङ्एखेॽमा परचार १५:३६–१८:२२
८. पावलमि सुमखेॽमा परचार१८:२३–२१:१६
९. यरुसलेम, कैसरियानुङ रोमबेॽ पावल कैदि लिबॽआ १५:१-३५
ទើបបានជ្រើសរើសហើយ៖
एप्पा चोङ्सा नेॽचिरामि चिनारि: YAMP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society